今日約左個朋友仔去荃灣，

因為早左到，

所以就自己係千色行左一陣∼！！ 

去到精品個一排陳列品度個陣，

見到一個擺設，上面寫住： 

「被愛是幸福， 

　去愛是勇敢！」 

睇完之後就不其然覺得有一好特別既感覺∼！！ 

如果可以俾你揀既話，

你會想被愛定還是愛？ 

呢一條問題相信有好多人都會諗過、問過！ 

呢條問題好似雞蛋與雞既問題一樣， 

永遠都唔會有一個確實既答案！

有人話愛人比較幸福， 

因為能夠令到自己鍾意既人得到幸福同快樂既話， 

自己亦會覺得快樂同幸福∼！

只要佢面上流露著真摰既笑容，咁自己就會感到滿足！ 

當然，最重要既就係你一定鍾意呢個人，愛呢個人，

如果唔係你都唔會咁做啦∼！！ 

有人話鍾意一個人，唔一定係兩個人既事， 

都可以係單方面既， 

只要將呢一份心意收埋係心底，

唔將佢講出來，唔俾人知，

既可令你喜歡既人開心快樂，

又可以將對佢既心意得以保存！！

不過愛一個人係唔一定得到回報， 

呢個都係事實∼！！

所以有ｄ人話愛一個人好難， 

但係有幾難都係在於你自己點睇，

如果你放得開既話， 

咁樣你就可以去愛人！！

如果你只在乎擁有， 

而唔去明白對方點諗既話， 

你好可能會傷害到人，

甚至會令對方遠離你∼ 

另一方面， 

有人話被愛會比較好∼ 

當然啦，有人愛自己緊係好ｄ既， 

呢個係絕大多數人既諗法，

呢個係一個自私既諗法！！

佢地之所以會咁諗，

都係因為去愛過，但受過傷所致！！

有ｄ人會覺得被愛既感覺好好， 

所以會好「享受」；

但係有ｄ人就會覺得好煩，係一種負擔！！

當有一個人佢好鍾意你， 

但你唔鍾意佢既時候，

你可能會因為佢既癡心而唔忍心去傷害佢，

但咁樣就只會令大家更難受，傷害亦更深！！ 

其實好坦白，

每個人都想有人愛自己， 

亦想自己唔駛付出任何野而得到「真愛」，

但係咁樣既感情真係會開心嘛？？！！ 

只有一個人獨自付出， 

而另一方就咩反應、行動都無，

咁樣既感情你地真係會鍾意？？！！

真係你地所想，所要既咩？！ 

的確每個想被愛既人中，

大多數都曾經好努力咁去愛一個人， 

但係佢地都係「無功而回」，

受住傷咁返來∼！！

正正因為咁， 佢地先會有呢個諗法！！

就好似一個Circle Game一樣，

┌─→　去愛　──→　等待　→─┐ 

└←─　被愛　←──　受傷　←─┘ 

 不停咁重重覆覆∼！！

 愛， 

 真係一樣好難捉摸既事， 

 好複雜，好難去明， 

 而且又無特定既解釋同定義∼！！

愛與被愛其實都係人生必經既， 

只要凡事忠於自己， 

做自己想做既事，而又對得住人地，

咁就可以啦，唔駛刻意去諗ｄ咩∼！！！ 

其實愛與被愛都係同樣幸福，同樣快樂！！

同樣，每個人係每段既感情中，

亦扮演著唔同既角色，

有時會扮演去愛既個個，

有時亦會扮演被愛既個個，

兩者係一段感情中都有著緊密既聯繫！！

無論你而家有幾傷幾痛都好，

將來既你一定會比而家活得更精彩！

所以用心去愛既話，

幸福定必會出現！！！

始終一天，你既真愛亦會隨之而來！！