| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 9 月 21 日 星期五  |
．．．《偷偷愛著你》．．．  |
《偷偷愛著你》
蘆屋瑞稀，
一個住係美國加州既日本女仔，
佢好早就已經被佐野既跳高姿勢所吸引，
所以係美國既時候佢已經搜集好多關於佐野既資料同剪報等，
就係機緣巧恰之間，
蘆屋知道佐野將會來美國比賽，
於是就諗住去搵佐野，
點知就係途中遇到一班壞人，
班人想捉走蘆屋，
咁啱就係呢個時候佐野就見到事情既經過，
就去救蘆屋，
雖然係就係救左蘆屋，
可惜佐野就俾班壞人用刀界傷左隻腳，
自始之後，
佐野就一路都無再比賽同練習，
因為佢覺得自己一路都「未好返」，
無晒信心！！
正正因為咁，蘆屋瑞稀就由美國遠道來到日本，
為左幫因為救佢而受傷既跳高好手 - 佐野泉 重返運動場！！
為左可以更接近佐野，
蘆屋不惜將頭髮剪短，女扮男裝，
隻身來到佐野所讀既高中 - 「櫻開高中」！
第一日來到櫻開高中已經被其他既同學整估，
不過都有好既事既，
就係佢可以同佐野做室友呀∼
（開心死啦∼！！！哈哈！！）
經過左無數次考驗之後，
佐野終於被蘆屋既真誇感動，嘗試重返運動場！！
佢地兩個既感情重日漸加深添∼
蘆屋雖然暗佐野，但係亦明白到自己係「男仔」，
所以無向佐野表白；
而佐野卻係無意中發現左蘆屋係女仔既秘密，
但係就無去識穿，但佐野亦開始慢慢咁鍾意左蘆屋，
佢唔講出來，係怕識穿左蘆屋身份之後蘆屋會離開自己∼！
與如同時，因為蘆屋既活潑開朗性格而吸引左班上面既另一位同學 – 中津秀一！
中津仲因為咁而以為自己係同性戀者，又時不時幻想蘆屋係女仔既模樣∼！！
場面非常攪笑！！
直至到有次誤打誤撞而知道蘆屋係女仔之後，
佢更加下定決心要追到蘆屋，
即使蘆屋鍾意既係佐野，
（係佐野？！友情受考驗啦！）
中津仲攪笑到走去向佐野挑戰∼！！！
仲爆出一連串既笑話∼！！
究竟呢段三角感情到底會點？！
你自己睇下啦∼
人物介紹：
蘆屋瑞稀16歲 (堀北真希 飾演）
係美國長大，為左令佐野再次跳高而到佐野所讀既高中升學！
仲不惜剪短頭髮，好扮男裝∼！
佐野泉，16歲 (小栗旬 飾演）
係一個甚為cool既人，唔係太識表達自己！
因為一次既傷患就放棄跳高，但蘆屋瑞稀出現之後令佢再次嘗試跳高！
中津秀一，16歲 (生田斗真 飾演)
係櫻開高中足球隊員，雖然佢唔知道蘆屋係女仔，
但係就發現自己係不知不覺間鍾意左蘆屋，
仲差ｄ以為自己係同性戀∼！
而且仲有劇裏面最吸引人既角色之一！
除左呢幾個主要角色之外，
我覺得仲有幾個係我特別鍾意既：
神樂阪
一個同佐野泉一樣咁鍾意跳高既人，
最想就係同佐野一決高下，
自從佐野受傷後佢一直激勵佢，（用激脹法）
希望激發佢比賽既鬥心∼！！
難波南
係櫻開高中既３年級生，極有領導才能！
表面極似花花公子，其實就好重感情！
萱島大樹
係中津既室友！
佢成日都會失驚無神出現！！
亦有人話佢有超能力，可以見到靈魂∼！
|
| 刊登時間：2007-09-22 11:47 PM [ 訪客留言(0) ] [ 編輯日誌 ] [ 分享至FACEBOOK ] |
« | 228 | 229 | 230 | 231 | 232 | 233 | 234 | 235 | 236 | 237 | ... | 470 | »
|
