《森之愛情　四》

今集既森之愛情令我產生極大既共鳴感，

唯一唔同既，

我唔會好似女主角啊芷咁　→　講「分手」當食生菜！

雖然有人話感情係無分對錯既，

但係佢地兩個係呢段感情上面都有錯！！

係我既角度來睇，佢地錯既地方係：

啊朗錯在．．．

啊朗某程度上都可以算係一個好男友，

但係，

佢重視朋友既程度比重視女友既程度簡直有過之而無不及！

無論去到邊到玩呀，

睇戲呀，行街呀咁，

都會預埋佢個班朋友！！

係，的確友情係會keep得耐過愛情，

但係當你有愛情既時候，

你就應該識得去分配時間，

而唔係「一次過」咁搵晒女朋友同朋友一齊出街就算！

當然，一齊出街都唔算一件壞事，

但係如果次次都係咁既話，

作為女朋友既啊芷惱都係好正常，

我都會好明白佢既感受！

啊芷可能係覺得自己似係佢既朋友多過女朋友，

因為去到邊都好，

都係成大班人一齊，

就好似連拍拖既２人時間都無咁！！

即使係返到屋企，

佢班朋友都一樣「伴隨左右」，

呢次就真係連大家僅有既空間同時間都無埋啦！！∼ 

係，啊朗雖然係有陪啊芷，

但係就唔明啊芷需要既係咩！？

而啊朗需要啊芷既其中一個原因，

係因為啊朗覺得啊芷好易「氹」！！

當我聽到佢講呢句說話既時候，我就諗：

「如果係呢個時候啊芷聽到呢句說話，

　我諗佢地已經無得再返轉頭啦∼！！」

難道女朋友易氹就可以咁樣三番四次咁重覆犯錯？！

難道朋友真係比女朋友重要好多？！

啊芷錯在．．．

啊芷都一個好既女朋友，

樣樣事都以啊朗為先，

但係啊芷就太過著重於兩個人熱戀既世界，

甚至去到「沈迷」、「沈醉」既地步！

其實有時同男朋友既朋友一齊出去玩都唔算係一件壞事，

況且仲可以知道自己男朋友既野多ｄ添！！

又可以了解佢多ｄ！！

不過啊朗的確又唔抵幫既，

話就話可以成班一齊去玩，

但係都無理由次次都係咁架嘛，

攪到連一ｄ二人時間都無晒！！

咁又有咩謂呢？！

咪又嗌交收場呀，分手收場呀咁囉！！∼

啊芷又係衰既，

其實有咩唔鍾意都無理由係男朋友既ｆｄ面前發脾氣架嘛，

咁樣個男人又會覺得無面！

佢覺得無面之餘又會覺得你無理！

咁又何苦呢？！

就算要嗌交都等ｄ人走晒啦，

閂埋門兩個人自己傾啦！

無理由發晒脾氣咁既∼！

仲有一樣好攞命既，

就係佢可以講「分手」當食生菜咁易！！

話分就分，話一齊又一齊返？！∼

真係兒嬉！

難道咁樣又係愛一個人既表現？？

咁樣似逼佢就範多ｄ囉！！

∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼

當然，

有人會覺得講左出來會好ｄ，

等大家可以面對個問題，

但係講都要搵個好ｄ既場合同地方，

而唔係好似「潑婦罵街」咁囉！！

仲有，「分手」呢兩個字有時講左就真係收唔返，

唔係話真係講一句咁易就「氹」得返！

所以凡事都係諗清楚好，

呢個世界唔係咁多人會好似啊朗咁，

分極都唔斷尾，會再追返！

係，我唔可以否認有ｄ男仔會咁，

但係唔多囉！

何況如果你女朋友係啊芷呢個type既話，

你俾佢飛左咁多次，

又俾佢係ｆｄ面前咁落面，

我諗唔會有好多人會想同返一個咁唔識大體既女仔一齊！

係，可能都會有咁既機會，

不過都係一次起，兩次止囉！

男人始終都係要面架！！

∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼

今日除左睇《森之愛情》個段時間打後，

其他時間都唔係係屋企，

咁都好既，至少有ｄ野忙下，

個人無咁悶，都唔會話咁易發霉呀嘛！

∼∼哈哈∼∼∼

今日約好左兩個朋友仔一齊去整ｃａｋｅ呀！

其實又唔係無啦啦去既，

因為想整ｃａｋｅ請下班同事食姐！

不過好唔好食就唔敢保證啦！

今次係我第一次整藍梅慕士蛋糕！

所以都好緊張，怕唔好食會食壞人呀嘛！

哈哈哈∼！！！

除左藍梅慕士蛋糕之外，

我亦都整多左個朱古力慕士蛋糕！

今日就未ＰＯＳＴ得切Ｄ相上來，

聽日啦，

等聽晚得閒再ＰＯＳＴ返啦，

順便話俾大家知個ＣＡＫＥ食唔食得，

會唔會食壞人！

哈哈 ∼