《森之愛情　三》

睇完森之愛情之後，

突然間明白到，

一個人唔愛另一個人既時候，

好多時都會為自己搵一個「藉口」來掩飾，

等自己好過ｄ！

其實我好羨慕女主角，

因為佢有一個咁好既男朋友，

雖然好話唔好聽，

你可以話佢對咩人都好唔係淨係對佢一個，

但係兩個人一齊唔係最緊要係開心咩？？

點解女主角有一個對自己咁好既人都唔滿足？？

的確，

當一個人覺得「過於安穩」既時候，

佢地就會越來越唔安份，

會想搵一ｄ新鮮既野來沖撃一下∼！！

但係佢地就永遠都唔會諗到咁樣可能會傷害到人，

會傷害到一個真真正正愛佢地既人！

不過講真，係個一刻佢地又點會真係用到個腦來諗野呀！

佢地個腦只係知點樣去「瞞」住佢地既另一半！

諗緊點先唔會俾人知，俾人發現！

我覺得女主角好衰，

佢自己有第三者既同時，

又想「屈」自已既男朋友有第二個，

希望藉以分手，

從而令自己個心好過一ｄ！

因為佢自己都知道呢個男仔實在太好！

但係咁又好咩？？

事實上佢係咪真係會好過呢？？

會咁樣又會開心ｄ？？

唔太可以吧！！！

始終錯既都係佢自己，

試問佢又點可以改變呢個事實呢！？

錯左就係錯左，

係要去承認既，

而唔係要逃避或者搵藉口！

既然都唔鍾意，

咁又何必要再為自己搵藉口呢？

何不爽爽快快咁去分手，

坦坦白白咁講出大家既問題所在，

如果有決解既可能，

咁咪大家一齊解決囉，

點解要去拖拖拉拉呢？？

點解要搵埋ｄ無謂既藉口呢？？！！

愛情，

需要既係信任，

而唔係藉口！！

兩個人相處如果無左信任既話，

好多唔同既問題都會隨之而來，

再者，仲會令到大家關係變得惡劣！！

其實我都好想有一個咁好既 Perfacet Man 來男朋友！

雖然可能會係悶左少少，

但至少佢會關心你，愛惜你，

甚至無時無刻都想著你！！

真係諗起都開心！！

（睇來，我又係度發夢啦！∼）

你會係我既「Mr. Right」嘛???

會待我好嘛??

會愛惜我嘛??

會著緊我嘛??

會… …

(要求太多，會變得有點自私！)