啱啱睇完《森之愛情》，

唔知點解突然之間覺得好唔開心∼！！

總係覺得個故事有點「殘酷」！

我覺得啊琳好傻，但我無資格去話佢傻，

因為自己曾經比佢更傻！

曾經為左唔想自己鍾意既人離開自己，而去接受佢同第三者∼！

人地話做第三者好慘，好辛苦，

但係試問又有無人諗過知道真相既人又有幾慘幾傷？

啊琳講過：

「我從來都無當過你係朋友！唔可以！因為係心入面你係我最愛既人∼！」

曾經，我講過呢一番既說話，

但身份並唔係第三者，而係一個輸俾第三者既失敗者！

自己鍾意既人為左第三者而放棄自己，

仲同自己講：「我地可以做返朋友架嘛！」

得咩？真係可以咩？！

無論係第三者又好，邊個都好，

好少人真係真真正正可以做得到係分手之後「無回事」！

可以男仔會做得到，但係唔一定個個女仔都能夠接受！

啊琳為左成全佢地，佢同啊星講話會變走自己∼！！

臨尾仲講：「我對你既愛係永遠唔會變既！永遠即係好耐好耐∼！！直至你明白我對你既愛為止！」

但係現實中又有幾多人真係可以做到「永遠既等待」呢？

我自己等左２年都係得個「吉」！

都好既，自己起碼可以再從頭「認識」愛情嘛！

點都好，我都應該多謝佢！

多謝佢傷得我咁深，令我明白唔係樣樣野都係咁美好既！

呢個世界唔一定有童話般既愛情！！

Thank you for hurting me!!