尋晚睇完《森之愛情》之後，

個腦不停咁諗，不停咁諗，

諗左好多問題∼！！

究竟當一段感情出現左問題既時候ｄ人會點做呢？

有ｄ會選擇解決問題；

有ｄ會選擇拖拖拉拉；

有ｄ會選擇逃避現實；

有ｄ會甚至會選擇從此消失∼！

咁做又究竟係咪啱呢？

咁做對件事，對個問題又有無幫助呢？

咁樣個問題係咪真係可以解決到呢？

咁樣係咪可以令到受到傷害既人，又或者自己好過ｄ嘛？

當然，

以上種種既解決方法出來既結果未必一定好，

但係勇於去面對問題，承認自己既不是，

總比逃避或拖拉好，

雖然未必可以減少受傷害既一方既痛，

但至少會唔駛再拖拖拉拉，

又或唔會令問題惡化落下∼！

咁現實中又有幾多人做得到呢？

始終人係貪心既，

一定會有人話新既好過舊，

又會話兩個總比一個好！

但係當人得到左佢想要既野之後，

係咪就代表佢地一定會滿足呢？！

我諗唔會啦！

在於我自己來睇，

我會覺得舊既比新既更有「價值」，

更有「回憶」，更令人「懷念」！

我亦明白到點解人會覺得新既好，

因為「新鮮」囉！

但新鮮過後又係咩一回事呢？！

呢個都係一個未知既事∼！！

總之都係個句啦：

珍貴而家所擁有既野，

唔好令自己有後悔既一日！