今日終於都去左睇《不能說的．秘密》∼！！
其實之前已經好想睇架啦，不過一路都無時間，
好彩今日有個同事同我一齊睇∼！！
你又睇左未呢？
雖然話係一個不能說的秘密，但等我講少少秘密你聽啦∼！！
Jay啱啱轉到新校既第一日，當佢參觀校園既時候，突然被一段神秘既鋼琴樂曲所吸引。 Jay隨著琴音，走到一間古舊既琴室，繼而遇上左Rain，就係佢地四目交投既時候，大家都泛起一種好特別既感覺。 後來Rain發現Jay係同班同學，但每當Jay問返係舊琴室所聽到既神秘樂曲時，Rain總係答：“那是一個不能說既秘密……” 正因如此一段充滿浪漫懸疑既愛情從此開始……
因為Jay班上仲有一個女生喜歡Jay。一天晚上，Jay約了Rain在琴房見面，但晴依卻先到。Jay以為係Rain來左所以閉上眼睛，就示意要她吻自己，咁啱就被Rain看見了。她以為Jay移情別戀，一氣之下幾日無去學校。
Jay跟Rain一起既時候，曾經對Rain說過，要係畢業典禮上為佢彈奏一首曲。Rain聽到Jay為她彈奏既《天鵝》。係台上既Jay咁啱發現左Rain。
Jay鋼琴都未彈奏完，就跟著跑出去追Rain。Jay追到她既時候抱住了她。對她講:"答應我，以後都唔好再消失了。"
Jay係畢業典禮完畢後來到教室，只係見到佢既兩個朋友。Jay就問佢們有無見過Rain。佢們就覺得好奇怪。Jay就話佢想搵既就係舞會中同佢跳舞既女生。他們聽到之後都好驚訝，就話：“舞會個陣，你明明係自己一個人跳。”Jay終於想起個日舞會之後，有女生對佢話：“下次如果無舞伴，可以來找我啊。”
Jay感到極之困惑，於是再次來到Rain屋企。睇到Rain同佢爸爸既合影，仲有個本《Secret》，打開《Secret》後，Jay和Rain既媽媽睇到Rain在20年前畫既Jay畫像。Rain既媽媽先發現錯怪左Rain。Jay返到屋企之後，同爸爸講起關於Rain既事情。最後Jay發現Rain原來唔係同一個時代既人，他們足足相差左20年。Rain咁啱亦都係Jay爸爸既學生。係Rain讀書時候，發現左鋼琴底下有一本樂譜 ─── 《Secret》。
樂譜上面寫著：如果把這段鋼琴曲快速彈奏完畢… …(自己睇啦到時， 唔講咁多，哈哈！！)。Rain彈奏左首曲，間教室既物品就一直移動。不知不覺，她就來到了20年後既這間教室。第一眼就見到被音樂吸引過來既Jay。
Jay最後恍然大悟，馬上跑去學校既音樂教室。佢發現個度已經有好多人係度開始拆緊棟樓。於是佢就係窗門爬入去，彈起那首《Secret》．．．之後
．．．秘密過後有感．．．
一開始睇既時候，總覺得呢一套係同小品愛情劇差唔多，都係走溫馨既路線∼！！
中間亦有好多既笑位，佢地每個人都係戲入面擔當住一個好重要既角色，就好似秋生咁！
佢係一位好好既爸爸，好鍚啊Jay，佢既嚴肅得來又攪笑，好彩多得佢我先慳返少少眼淚水∼！
值得一提既係秋生既演技都係呢部戲既賣點之一∼！！！
呢套戲真係好特別，令人覺得好出人意表∼！
本應諗住一套愛情小品無可能會令人喊，點知出奇地．．．
唉，係我太差勁？！
究竟現實中如果有同樣既事情發生既話，男主角到底會點去選擇呢？
究竟呢個世界仲會唔會有咁令人感動既愛情？
戲裏面有一句說話：
不管我們會不會再見面，不管你會不會忘記我，我只想告訴你一個秘密
真實中，究竟又有幾多對情侶能夠做得到呢？
現實永遠都唔係美好既，好彩戲裏面都仍然能夠有呢一種愛∼！！
Jay同Rain對對方既愛另人印象深刻，我自問有點不及！
到最後Jay竟然不顧一切咁去琴室，嘗試回到過去尋找自己既真愛，呢樣最令我感動∼！！
好耐無喊得咁開心啦，雖然有ｄ情節都幾緊張，好彩最後有情人終於都可以一齊∼！！
| 
