今朝起身睇電視個陣，

發現左個颱風又吹返轉頭，

仲掛緊一號風球添∼！！

心諗：

唔係呀，又會咁啱都有既，

前晚返學又係掛風球，

攪到周身濕晒，今晚又掛∼！！

今朝返工都已經攪到條褲既褲腳濕晒，

真係好唔鍾意咁∼！！

到左放工個陣我就快快趣咁返屋企，

返到屋企唔夠一陣，

電視又話３點半可能掛８號，

於是我就周圍打俾屋企人呀，朋友呀，同學呀之類．．．

不過，不幸既係我打極都打唔到電話∼！

係咪真係有咁多人同一時間打緊電話呢？！

電話都未打通之制，電視又話掛８號，

個陣都只不過係２點半咋∼！！

仲諗住問下ｄ同學仔係咪唔駛返，

但係個電話依然係唔通既∼！

攪左一大輪，

到左５點半有多先開始打得返電話！

既然今晚唔駛返學，

我就搵左套電影來睇，

係卡通來架，

個名係《Happily N’Ever After》(中文係：反斗仙履奇緣)

 個故事其實係講一ｄ童話故事既，

但係就因為一個壞人既出現令到某ｄ既童話故事唔可以大團圓結局，

而且仲攪出好多有趣既笑話添∼！！

真係幾得意，幾好笑∼！

配音既演員亦都配得好全神∼！！

睇完套電影之後就繼續打機啦∼！！

哈哈！