| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 8 月 29 日 星期三  |
．．．愛情友情．規與則．．．  |
有好多人話：
「呢個世界咩都係講規則、講規矩既，要守秩序既！」
的確，呢個世界的確係充滿左好多唔同既規則、規矩！
而且我地亦都必須去遵守呢ｄ所謂既規則、規矩∼！
係愛情場上，同時亦都係充滿著好多既「規則、規矩」！！
有人話：「要愛一個人要就全心全意咁去愛佢！」
係，呢個諗法的確好多人都會好認同，
但係，係呢一班人裏面亦同時存在著一ｄ「貪心／多心」既人∼！
呢一類人可能會覺得：
一心一意？太假啦！；
呢個世界唔會有「真愛」；
多ｄ人愛自己會好ｄ；
又或者，佢地只係為左自己既某ｄ慾望；
又或者，係因為佢地受過「傷」！
通常，受過「傷」既人的確會對愛情睇淡左，
曾經為左一次既戀愛失敗，
而放棄去被愛／去愛人∼！！
因為佢地會怕再次付出既同時，
傷害會再次「來臨」！
怕自己再承受不來！
呢個的確唔係一個好既觀念，
但係為左逃避，好多人都會選擇唔同既方式「從『新』去愛」！
當中一定包括左正、反兩總唔同既方式！
呢ｄ方式亦未必跟規則／規矩！
有ｄ人會因為一次既戀愛失敗而努力工作；
努力慢慢等待自己鍾意既人出現；
積極面對，更加珍惜佢所擁有既野∼！！
相反，有ｄ人會因為報復心而去改變自己，
令自己變得「冷酷」；
變得無視愛情，無視佢所得既野；
甚至會變得放縱自己，
從而令自己能夠得到快樂；
同時，佢地亦會想自己有好多好多既「裙下之神」，
希望滿足自己既虛榮、慾望！
又或者佢地會想傷害／殘害自己，
希望令唔愛自己既人「心痛」，
從而令佢返來自己既身邊！
但係咁樣又係咪真係可以真真正正能夠快樂呢？
改變自己為左報復？唔係啦掛，值得嘛？
我只係覺得有ｄ無謂！
報復來為咩呢？
等佢返來又輪到你唔要咁呀？
定係當佢回心轉意個陣就玩返佢轉頭？
又有ｄ人會傷害自己令佢回心轉意？
咁你未免太高估男人啦，
佢地未必會真心返來你身邊，
佢返來，只係「可憐」你，
只係「同情」你！
但係佢又會再走多次，
咁到時你都係傷多次姐∼！！
如果佢連你行到呢個step都唔返來呢？
咁你又會做咩呢？
真係一「死」了之咩？
咁就真係太傻啦∼！！
我雖然唔可以大大聲話人地好傻，好蠢，
因為自己都做過呢ｄ事，
正正因為自己做過呢ｄ傻事，
先至會覺得朋友比愛情更重要！
當然，親情都係好重要既！
如果唔係因為朋友，
好坦白講，「或者我已不會存在！」
我唔係唱緊歌，而係講緊事實！
為左一次既失敗而去放棄自己，
真係好傻！
正因為自己有所體會，
所以先會去勸一ｄ唔識諗既朋友，
雖然佢地都唔會聽，
但係我真係好希望佢地會有清醒既一日！
醒下，諗下，睇下！
究竟「佢」係咪值得自己咁為佢呢？
愛情，真係好煩人！
有既時候又煩，無個陣你又會好想有∼！！
在於我自己既個人立場來講，
我既愛情世界必須「單對單」！
我唔容許有「第三者」既介入，
亦唔容許自己變成「第三者」！
因為倒頭來得到傷害既，永遠唔上你一個！
何不搵一個自己鍾意既人呢∼！！
個心係唔可以同時分俾咁多個「愛」既人，
至少我係咁諗！
覺得一心一意咁樣先可以俾到信心自己鍾意既人！
不過，有人話做我男朋友某程度上都好辛苦下！
佢地話我好小朋友，
的確有時係既，但係我只不過想開心笑下姐！！
佢地話我太易同ｄ男仔玩得埋，
咁呢樣就無計啦，
由細到大，我真係無咩女仔既朋友，
的確係男仔既朋友多好多囉！∼
可能係我覺得女仔有時會有點兒那個．．．
所以先覺得同男仔做朋友就會好玩ｄ，直接ｄ！
其實做朋友又唔駛話諗咁多既！
最緊要玩得開心！
做朋友交個心出來就得啦，
（我講友情個個呀！）
唔駛話刻意去做ｄ咩既！
我覺得愛情同友情係可以共存既，
只要大家清楚規則，
咁就唔會誤會啦∼！！
|
| 刊登時間：2007-08-30 11:21 AM [ 訪客留言(0) ] [ 編輯日誌 ] [ 分享至FACEBOOK ] |
« | 247 | 248 | 249 | 250 | 251 | 252 | 253 | 254 | 255 | 256 | ... | 470 | »
|
