今日係公司笑左成日，

笑到自己傻左！！

我都唔知點解會咁，

只係覺得講既野好笑，

咁咪笑囉！

不過都好既，

至少識笑唔會令到關心你既人擔心！！

原來笑都可以係一件苦事！

係一個唔開心既人傷心緊既時候，

如果佢仲會識得去笑既話，

其實佢並唔係真係開心，

亦唔係代表佢真係無事，

只係佢唔想佢身邊既人擔心姐！！

平時係七點幾呢個時間多數都係返緊學，

今晚唔駛上堂，自己一個留左係屋企！

就係偶然既機會之下，

我睇左《同事三分親　之　好心分手》！

睇完先發覺原來分手都係一門學問！

如果只係為左分手而分手既話，

分手就無變得無意義；

只係分手而唔識得放低既話，

都係同樣失去左分手既原意！

雖然分手係會痛、係會傷，

但每個人都總要學識「放低」！

就好似小朋友初初學行一樣，

都一樣會跌過痛過，

但係當傷痛過後，

佢地就會慢慢咁從中學習，

從而學懂行路，繼而跑．．．　．．．

其實人並唔怕痛，並唔怕傷，

只係怕無勇氣再企返起身！！

如果細細個就因為傷痛而放棄自己行路既話，

咁佢地既未來就會隨之而消失！！

但只要佢地識得放低傷痛，

從傷痛中走出來既話，

佢地就將會有無限既未來！！

正如分手一樣，

有人會覺得好傷好痛，

但唔緊要，

最緊要係係傷痛之後明白箇中既道理，

吸收人生既經驗！！

分手雖然痛，雖然傷，

但係只要我地有勇氣去放低既話，

就能夠再次搵返失去既自己！

而分開左既愛情就將會成為回憶！

回憶可以係美麗既，亦可以係痛苦既，

美麗與痛苦取決於你自己！！