我今日都係同平時一樣，

都係要返學既∼！！又係上個堂無聊既CS∼！

不過今日返學搭火車個陣就遇到ｄ趣事∼！

一上火車，就見到一個男仔，

佢個髮型就同gasby廣既舊廣告一樣，最攪笑既都唔止係咁，

佢仲要係紋埋眉添∼！真係得意∼！！

去到大學站既時候，有一對鬼鬼地既男女上左車，

一上車，個女仔就即刻問我有無香口膠，

咁我就俾左成包佢自己拎啦，見到佢一口氣就擺左四、五粒入口，

食左一陣佢就拎出來，原來佢對涼鞋個底甩左，

所以佢想用香口膠黏返住佢，

佢攪掂左之後，佢仲俾個手勢我話俾我知得左，

我就對佢笑左一笑∼！！

返到學校，今日都係無心機上，呢堂實在太悶啦！

反正下一堂都已經係考試，於是我地返左半堂就走左人啦∼！！