| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 5 月 20 日 星期日  |
．．．《太陽之歌》．．．  |
啱啱過左第一個小測，
而家既感覺就好似成個人鬆晒咁，
不過，睇來唔駛好耐，
第二個既小測同考試都會隨之而來，
所以我都仍然要好俾心機去溫習∼！！！
你地都要努力啦∼！！
呢兩日既假期，
我終於都可以放縱一下啦，
又可以好似以前咁睇日劇！
哈哈∼！！
之前一路都諗住睇《太陽之歌》，
但係就一路都無時間，
就連身邊既朋友仔都係度不停咁講緊既時候，
自己都插針都插唔入咁，
而家終於都有時間睇啦∼！！
我仲一次過睇晒電視版同電影版添∼！！！
真係好開心∼！！
《太陽之歌》電視版
係睇到呢套劇既poster既時候，
已經覺得好吸引，
令我好想好想快ｄ睇∼！！
我之前都有睇過個男主角既劇集《白夜行》，
知道佢演戲都係好好既，
所以對佢既印象都唔錯！
而女角更加不在話下啦，
係人都知佢拍既個套《一公升眼淚》有幾得啦∼！！
點會有人唔識呀∼！！
所以電視版都係一個信心既保證，
正正因為咁，
我亦選擇左睇電視版先∼！！！
哈哈！！
我覺得電視俾到一種鼓勵，
因為一個身患不治之症既女仔，
佢不單止無怨天怨地，
相反更積極咁去面對前路，
縱使佢知道佢既時間可能已經唔多，
佢依然好積極咁面對，
呢一點都係好值得我地學習既！
佢地既友誼亦令人感到快慰！
佢地會互相關心，互相照顧，
試問而家既社會又有幾多人能夠有真心好友呢？
睇到一半，
個女主角發現自己左手再彈唔到結他，
佢有諗過自尋短見，
好彩最後都俾男主角感動，
男主角講左一句令人好感動既說話：
「以後我就係你既結他！」
雖然出唱片係一件難事，
但係朋友們亦盡一切既努力去幫助佢，
同時佢地亦組成一隊brand去參賽，
都係為左令女主角能夠在台上發放一刻既光芒∼！！
到最後，佢地終於都排除萬難正式出道，
可惜女主角係臨上台表演前一刻最終都．．．
呢個縱然係一個遺憾，
但係個刻佢可以係自己既至愛懷裏死去，
至少都會係一件美事∼！！
《太陽之歌》電影版
可能係因為睇完長劇既關係，
總係覺得佢有ｄ唔係咁好，
可能係因為個女角太灰既關係啦∼！！
佢既歌雖然唱得好好聽，
但係歌詞都總係灰灰既，
總令人有一種悲傷既感覺！
女角雖然同樣地都係喜歡唱歌，
但係就無話一定要出道之類，
但想錄唱片亦係必定既事∼！！！
電影版女角結識男角既情節真係好好笑，
竟然會有人用呢種方式來識男仔？
唔係啦掛∼！！？？
雖然男角總於都幫到佢出左一張碟，
後來仲大賣添，
但係女角始終都係「難逃一死」∼！！
但至少電影版中既女角遺憾比較少一點，
最少佢亦做左佢最想做既事∼！！！
始終故事係有遺憾先會顯得佢淒美，
所以電視版比較吸引！！
|
| 刊登時間：2007-08-05 03:35 PM [ 訪客留言(0) ] [ 編輯日誌 ] [ 分享至FACEBOOK ] |
« | 281 | 282 | 283 | 284 | 285 | 286 | 287 | 288 | 289 | 290 | ... | 470 | »
|
