| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 2 月 3 日 星期六  |
．．．一星期．十四歲的媽媽．．．  |
咁樣又過左一個星期啦∼！
真係做野做到天昏地暗，
時間過得太快啦，
一時都唔記得就咁就一個星期∼！
而家呢排，
公司多野做到不得了，
ｄ人就依然都係咁懶，
有ｄ人仲變相做埋「指揮家」添∼！
（即係點人做野個ｄ，哈哈）
呢排返公同OT既時間多左，
所以返到屋企就已經好累，
根本都已經唔想再對住部電腦啦，
所以成個幾星期都無打過日記啦∼！！
有人話我越來越懶，
但係我都唔想架，
唔通真係日對夜對咁對住部腦咩∼！
再加上呢排都未病好，
時好時壞咁，
真係唔知幾時死得∼！
哈哈！∼
呢排返工既「意識」越來越低，
低到落谷底∼！！
日日返到去都好似十萬個唔願咁，
加上姐姐又同我一樣都係咁諗，
所以我地就越來越唔想返，
我地而家諗住遲ｄ一齊走添∼！
到時就真係有戲睇啦∼！！
今日原本個主任叫我返去公司幫手，
但係今日我好唔想返，
所以連電話都無打就繼續訓無返∼！！
講真，
邊有人會咁好死，
真係會特登返去幫手做人地既野先得架∼！
人地做唔晒，
係因為人地去左偷懶，
而家反而要我地幫佢執手尾，
唔係啦掛？！
今日仲一諗住去剪頭髮，
但係又剪唔成∼！
唉，
想剪左ｄ「煩惱絲」都唔得！（哈哈！！）
朝早陪爸爸去左食野，
同行街之後，
我就返左屋企睇劇！
終於都睇晒成套《十四歲的媽媽》啦∼！
睇完之後，
可以話算得感受甚多！
我真係唔係好明白，
點解劇中既女主角可以咁堅強？
得佢一個人，自己又係十四歲既初中生，
佢究竟憑咩可以生個小朋友出來呢？
如果俾著我係佢，
我諗我唔會好似佢咁堅強，
如果係香港，
試問一個十四歲既初中生懷孕既話，
佢既家人會同意佢生出來咩？
我相信無一個家長會同意囉！∼
劇中男女主角係 HAPPY ENDING，
最後經過好多波折都係返埋一齊，
但係香港仲會有幾多呢ｄ人呢，
佢地會咁有責任心咩？
我始終都唔係咁認同女主角既做法，
不過，
如果真係有呢ｄ咁既「真實個案」既話，
我仍然都會祝福佢地∼！！
|
| 刊登時間：2007-08-05 05:37 PM [ 訪客留言(0) ] [ 編輯日誌 ] [ 分享至FACEBOOK ] |
« | 338 | 339 | 340 | 341 | 342 | 343 | 344 | 345 | 346 | 347 | ... | 470 | »
|
