| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 2 月 23 日 星期五  |
．．．23/2．．．  |
放完個新年假之後，返左幾日工，
話咁快就已經星期五啦∼！
呢幾日真係好多野做，稍為輕鬆少少既，
咪星期四囉，咁就緊係啦，啱啱放完假∼！
先第一日返工，多野做極都有限既，
有既都係之前剩落個ｄ囉∼！！！
今日就真係多野做到不得了啦，
都唔知點解英文組會有咁多野做既∼！
就好似永無止境咁∼！！！
一個詞語形容：恐怖 (哈哈∼！！)
今日係自己做到無停手既時候，
有個不知所謂既人係極之咁得閒，
不過在我既立場而言，得閒係無所謂既，
有所謂既係佢既行為，佢得閒到上網睇漫畫，
咁其實係ｏｋ囉，俾我都會，
我上星期五睇左成日碟添啦∼！
無問題喎，有問題既係佢要鬼鬼祟祟咁睇，
一見到有人行過就熄左佢，就連我行過都係咁，
駛唔駛呀？
你得閒就係人都知架啦，睇咪睇囉，無人會話你架喎，
又要睇，又要驚∼！
佢仲要係熄左之後就扮忙，呢點先令人討厭∼！！
今日我地成班人一齊去食飯，
唯獨是有兩個人我地無叫佢去，
一個掛住睇漫畫，一個就自己為是（Ａ先生），
睇漫畫個個呢，其實唔係我地唔想叫佢，
不過次次叫親佢佢都唔去，仲有次佢答我話：
車，日日都見架啦，駛駛連出去食飯都一齊呀？
出去食飯我淨係同朋友食架咋喎∼！！！
哦∼！原來係咁，咁又係，人地都唔當我地係朋友，
又點會同我地一齊食先得架∼！！
而另一個呢，就唔駛講架啦，
個個人都唔鐘意佢，所以我地都無叫佢∼！！
一話食飯，我同EUNICE就一早走左，
而其他人就晏少少join返我地，
最攪笑既係，佢地成班起個商場度見到Ａ先生，
Ａ先生明知人地特登唔叫佢，
佢自己都厚住面皮咁跟住人地，
好彩佢地仲未過來搵我同EUNICE姐，
如果唔係咪要同佢一齊食？！
佢死跟左一陣之後，就俾佢地其中一個人耍走左，
好∼！做得好好∼！！ 哈哈∼！
大佬果然有計∼！！！我地終於都可以食餐安樂茶飯啦∼！！
返到去話咁快又差唔多三點囉∼！
做多陣都走得架啦，
點知又俾我見到漫畫小姐既閃縮行為，
我今次真係忍佢唔緊，我終於串左佢兩句：
睇咪睇囉，唔夠膽就唔好睇啦，睇到閃閃縮縮咁把鬼咩∼！
係人都知你得閒啦，我都聽緊歌啦，校長都知架啦∼！白痴∼！
真係頂佢唔住，我好少會咁樣串人囉，仲要係學校∼！！
佢都算勁啦，要我開口∼！！真死人頭∼！！
|
| 刊登時間：2007-08-05 04:41 PM [ 訪客留言(0) ] [ 編輯日誌 ] [ 分享至FACEBOOK ] |
« | 328 | 329 | 330 | 331 | 332 | 333 | 334 | 335 | 336 | 337 | ... | 470 | »
|
