今日除左係年三十之外，
仲係爸爸既生日呀，
所以係度要同爸爸講聲：
爸爸，生日快樂∼！！

係朝一早，
我就同約好左幾個朋友仔一齊去整蛋糕，
佢地就整俾佢地既屋企人同至愛食，
而我呢，
就緊係整俾我最錫既爸爸食啦∼！！
哈哈∼！！

今次我整左兩個蛋糕，
一個係意大利芝士蛋糕，
而另一個係百利甜酒蛋糕∼！！


意大利芝士蛋糕


百利甜酒蛋糕


呢兩個蛋糕我已經好俾心機做架啦，
不過唔知會唔會好睇唔好食呢∼！！
哈哈∼！！！


不過今日爸爸已經去左廣西玩啦，
所以食唔到我整既蛋糕，
不過佢都好開心，
因為我特登打電話同佢講生日快樂嘛∼！！

雖然，
爸爸同唔到我地食飯，
不過唔緊要，
我都一早訂左枱同媽咪同細佬食飯∼！
都一樣食得咁開心∼！！

食完飯之後，
我同細佬就陪媽咪一齊去左買新衫，
買完之後我地就去左行花市∼！！
今年既花市都係好人山人海∼！！！
好逼呀∼∼∼∼＠＠”

係花市，
媽咪買左一ｄ花同一盆桔來應節∼！！
行左一個圈，
都已經成十一、二點啦，
所以我地就分別返歸囉∼！！
今日真係開心呀∼！