今日係星期六，
今日約好左爸爸去飲茶∼！

當然啦，
爸爸又點會只係過來飲茶咁簡單呢，
佢今次係過來教我整野食，
整我最鍾意既→蘿蔔糕！

我今日好晏先起身，
可能係因為星期五晚，
同ｄ朋友仔打機打得太夜啦，
所以唔可以早起，
攪到想飲早茶都變左飲下午茶咁滯∼！

飲完茶都已經係三點幾四點，
於是我地就快手快腳去街市買野來整蘿蔔糕啦∼！

我地買左好多野，有：
六斤白蘿蔔，
兩包粘米粉，
一盒鷹栗粉，
仲有ｄ腊味、腊腸同蝦米等

我地今日要整六大個既蘿蔔糕呀∼！
諗起ｄ咁好味既蘿蔔糕就已經好想食啦！！

一返到屋企，
我地就一齊整蘿蔔絲，
我就用刨刨，
而爸爸呢，就用刀切絲∼！！
我地整左好多好多既蘿蔔絲呀∼！！
哈哈，好有趣，
原來刨蘿蔔絲都好好玩架，
不過，我記得我上次用一ｄ舊款既刨刨野界親，
仲攪到流左好多血，
仲俾爸爸笑添∼！！
不過今次唔同，
因為爸爸知我「論盡」，
所以拎左個好安全既刨刨俾我，
實行包唔會界親咁話∼！！
哈哈∼！！

我地整呢六個蘿蔔糕真係用左好多心機架，
由四點幾開始整，
到全部蘿蔔糕到蒸好晒，
都已經係十點幾十一點既事啦∼！！
真係少ｄ心機都唔得∼！

真係好多謝爸爸，
佢又教識左我整多一樣野啦∼！！
哈哈，
好開心呀∼！
其實我好鍾意同爸爸一齊煮野食架，
因為會好開心，
而且爸爸亦會好有心機咁教我！∼