今日十一點幾就醒左，訓唔著∼！
咁就只好死死地咁起身係啦∼反正都訓唔著架啦∼！

起身梳洗好之後，第一件做既事唔係食早餐，而係織頸巾∼
我諗住可以慢慢，慢慢咁織一余頸巾俾爸爸呀嘛∼！
織左幾個鐘之後，見到電視播緊一套我之前已經想睇，但又無睇到既韓國電影－－《愛．回家》

之前呢套戲上畫個陣我就已經好想睇，但係又無人陪我睇，加上又無時間睇，所以直到套戲落畫都無睇∼之後我亦都無租過來睇∼！
咁啱今日就俾我見到電視有得睇，我緊係睇埋先啦∼！

套刻既內容大致上係圍繞住一個住係鄉村既啞婆婆，同一個由新市鎮住慣既小男孩既∼！
係好偶然既一日，小男孩既媽媽帶左男孩去個男孩既婆婆度短住，媽媽之所以帶個仔仔過去，都係因為佢生意失敗，所以先會帶個男孩去個度搵佢婆婆∼婆婆住既地方好落後，雖然有一部電視，但係部電視就舊到都睇唔到∼除左呢部電視之外，就真係咩都無架啦！
個媽媽留低左個仔仔俾婆婆之後，就走左∼！
到左食飯個陣，仔仔就拎左自己帶來既罐頭來食，一ｄ都無理到個婆婆，婆婆一心諗住拎條菜俾佢食啦，點知個仔仔就唔領情，仲將有菜既個ｄ飯連埋啱啱婆婆拎俾佢既菜一齊俾返婆婆∼仲要顯得好唔耐煩∼
個仔仔每日除左食飯之外就係，玩自己ｄ玩具同打機∼！
某日，佢部遊戲機就突然無晒聲無晒畫∼之後，佢先發覺原來係無電，咁佢就去問婆婆拎錢來買電池啦，點知婆婆就反左個褲袋俾佢睇，表示無錢（因為婆婆係啞既）∼但係佢就唔信婆婆無錢，仲不停咁叫佢俾錢，唔俾就鬧婆婆「白痴」、「低Ｂ」之類，之後個仔仔就仲將婆婆著左好耐，補左好多次既一對鞋掉左落個用來煮飯既爐度∼！就係因為咁，所以婆婆就連僅有既一對鞋都無埋，婆婆仲要行好多好崎嶇既路來攞水∼
但係仔仔一ｄ都唔覺得自己有錯，仲等婆婆訓左之後偷偷地偷左婆婆唯一一枝髮釵，諗住拎去買電池，但係佢搵左好耐都搵唔到一間有得買啱啱用既電池∼之後佢就死死地氣咁返去，另一邊箱既婆婆一覺醒來就唔見左枝釵就不停咁搵，但最終都搵唔到∼
之後有一幕係講婆婆問個仔仔想食咩既，個仔仔就答佢話想食漢堡包、家鄉雞之類，但係係人都知落後地方無呢ｄ野架啦，咁佢又鬧婆婆「白痴」，突然間佢又無啦啦叫等陣，原來佢拎左一張餐牌出來，俾婆婆睇咩係家鄉雞∼跟住婆婆就用手勢表示雞，仔仔就話係呀，係雞呀∼！跟住婆婆就拎左ｄ野落山賣，之後玥買左隻雞返來，婆婆返來既時候仲落緊大雨添呀∼！婆婆返到去整完隻雞之後，仔仔發覺個隻唔係佢想食既家鄉雞就發脾氣∼唔食，訓覺∼！
一早起身，仔仔就好肚餓，食左隻雞∼佢見到婆婆好晏都唔起身，所以諗住搖下佢，點知婆婆都係唔起身，個陣，佢先知道原來婆婆病左∼之後佢就幫婆婆用毛巾敷額頭∼又用被包住婆婆∼！佢仲將之前拎左婆婆既髮釵放返落去婆婆度，但係當婆婆好返之後，佢就．．．　．．．（唔打啦，自己睇啦∼）

睇到呢度，我既眼淚就不其然地流左落來∼越睇得就越喊得犀利∼！
我覺得個小朋友好過份∼得覺得婆婆好可憐，我突然間覺得好唔開心∼仲有ｄ傷感既感覺∼！好彩既係，個仔仔最最終都知道自己唔啱∼但係佢又無同婆婆道歉喎∼！
最後一幕係影住婆婆返上山既情形，同婆婆既背影∼
呢一幕我真係喊到收唔到聲啦∼！所以我決定由佢喊，最多喊完之後即刻沖涼，洗頭先出街∼不過，事實上喊完之後仲係有ｄ唔開心，可能俾套戲影響左啦∼