今日有好多野做∼又係做埋晒個ｄ咁既統計表之類既野∼！
好多，仲有好多未做完∼！
最開心呢就係我地晏晝成大班人一齊出左去飲茶∼
其實我地平時係無得出去食飯架，因為我地既食飯時間好短得一個鐘，出到去到差唔多１５分鐘啦∼
不過，咁啱今日有個舊同事返來，所以我地咪出左去食囉∼
仲唔止食左一個鐘添∼哈哈∼！！！
不過，當返到去既時候，就有好多野做啦∼
真係有ｄ唔想返∼！

放左工返到屋企，第一件會做既事通常都係開電腦∼
因為呢樣野對我真係非常咁重要∼！
今日好奇怪，開左電腦成幾個字，佢都一ｄ反應都無，攪到我都唔知點算好∼
無左電腦，我就好似咩都做唔到咁∼！
好慘呀∼
就係因為咁，所以我決定再插過ｄ線，諗住試下，睇下佢會唔會「好返」∼點知都係唔得∼！

電腦，呢樣野，對我真係非常之重要，因為我每日都有好多野要用電腦來做∼！
就好似：
一、要打日記
二、睇日劇
三、玩Ｇａｍｅｓ
四、玩ＭＳＮ
五、上網
等等．．．等等．．．
總之，無左電腦我就好多野都做唔到∼
好唔開心呀∼
都唔知幾時先可以整返好我既「至愛」呢？
我病完，而家又輪到佢「病」∼
我病就駛幾百蚊睇醫生，如果佢病既話，條數就會係我睇醫生既１０倍囉∼（可能唔止）
唉∼！咁咪即係又要破財囉∼！！！