今日要返早∼所以要早起，可能真係太早啦，攪得我都有Ｄ唔想起身∼！返到去，見到仲有少少時間，所以就打返３號個日既日記∼好似有d無聊添∼哈哈∼！！！

今日又有我鍾意既《新排球女將》(原名：Attack No.1)呢套日劇∼可能係因為自己都鍾意排球啦∼！所以呢，我今日就睇晒成套劇，仲喊到對眼都腫埋添，真係笑死人啦∼！！
我睇睇下，發覺有ｄ情節都發生過係我身上，甚至乎係有少少似我地以前既個隊波添呀∼！！
可能係因為咁啦∼所以我先會喊成咁都未定∼！
哈哈∼！！！

諗下，諗下，其實我以前初中啱啱入隊，第一次打學界比賽個陣都好緊張架∼但係又好開心！
緊張，係因為始終都係第一次比賽呀嘛∼！！
開心，就係因為第一次比賽就可以以正選既身份上場，個次真係令我有ｄ意外架∼！
但係好唔好彩，我係一次賽前練習個陣扭親隻腳∼雖然，我就未至於好似劇中女主角鮎原稍咁慘要做手術，不過我都唔好佢好多∼！
個次練習，我唔小心係剎波落地個陣扭親既，我開頭就好似鮎原一樣，覺得「應該無事」，所以就無理佢，個晚仲自己慢慢咁行返屋企添∼其實個晚以經因賽打對賽輸左，我地全體都要罰跑，我地足足跑左２２個４００米呀∼！個陣我仲好記得我地叫個女教練做「女魔頭」添呀∼！哈哈！

就係個晚，返到屋企之後，俾爸爸知道左我打波整親，所以媽咪又開始鬧我，因為佢一開始就已經唔鍾意我打排球！
其實唔好講排球呀，就算羽毛球，佢都唔鍾意，因為佢覺得女仔應該靜先好∼！
好啦，幾經辛苦先受完靶，個頭又俾人帶左我去睇跌打∼！去到個到先得人驚呀∼！
個個人講既野真係嚇左我一跳，我直情喊左出來囉∼！
佢話：「我勸你都係唔好打波住啦，再咁打落去，你以後都唔駛行架啦！」當攪掂晒ｄ野之後，我地就返左屋企，件究當然會俾媽咪知啦，佢知道左之後，堅持一定要我退隊，我當時真係好唔開心∼

我就喊住咁跪起度求佢話：「唔好呀，媽咪，你俾我打啦，俾我打埋佢啦，我練左好耐先至有今日咋，我由零開始練到好似而家咁，唔係玩玩下架，你俾我繼續打埋個比賽啦∼！我好辛苦先做到正選架，如果你而家要我放棄，我一定唔甘心架∼我求下你啦！」

佢開頭都好唔願意，因為佢死都話驚我行唔到，但係我唔怕，我好堅持，加上爸爸同細佬都支持，所以佢唯有答應俾我繼續比賽，但係，就要我減少練習既次數！
如果係咁，我出場既機會都會相應低左，所以就算我幾唔願，我都答應左先∼但好明顯，事後我就會以好多唔同既藉口來練，一時話做report，一時又話要開會咁∼！好彩，到左最後，我都無事，可以繼續打∼！

不過，意外既野又點止一次咁少呀∼！？！
當時，我地隊入面有幾個人（包括我）都係打快攻手既∼其中一個就係隊長，顧名思義佢一定有得落場，而我地幾個就要爭一個位∼！我好開心教練選左我，但同時亦有人唔鍾意，因為我有得打，即係佢無得打，反之亦然∼！

個次練波，某人拎左我既護膝，又唔俾其他人同我練波，得返個新仔，ｏｋ，咪照練囉∼點知就俾個新仔玩死，打ｄ波一時東，一時西，係就係接到，但係都唔好咁玩呀！∼
好囉∼總於出事啦，我就因為咁樣，所以就跌親，個膝頭哥損晒，好笑既係，我以為皮外傷，所以無理，點知最後ｄ血流到落對襪到，仲要人地話俾我知先知！∼講真，個下真係唔係幾痛嘛∼！
之後仲攪到教練要親自同我去醫療室整理傷口添∼！
攪到個次比賽我只可以以後備上陣，仲好衰唔衰比我聽到隔離隊ｄ人笑我，話：「你睇下隔離隊，個１０號跛架，仲包住紗布添架，點同我地打呀？唔通跛既都打到既咩？」
個陣我真係好唔開心∼不過唔知好彩定唔好彩，因為其中一個快攻手打得唔係咁好，所以教練問我落唔落到場，我答佢得！
之後我就做熱身，跟住仲換埋新既紗布同油蹦帶，諗住方便活動嘛∼！
哈哈∼呢次咁樣帶傷落場打，我都未試過，但係為左證明俾人睇，我係得既，唔係跛既，就算幾痛我都要打！
我落場時間雖然唔長，有傷在身，但我既剎波亦幫到球隊攞分！
啱啱話我唔得，話我係跛既都轉軚，話我勁，仲攪笑到話我係扮跛喎∼真係無聊∼！

哈哈∼不過，個陣打波真係好開心架∼
而家諗返起真係超超超超正呀∼！！！
我諗，有機會我都想打返∼！