今日返工，見到仲有少少時間先至先去監考，所以就趁機打左尋晚無打既個篇日記先∼
睇返之後發覺好似有少少長左ｄ∼哈哈
唔緊要啦∼！

今日，收到爸爸既電話，佢話佢問左醫院ｄ護士，點解我成日整親都會留好多血，又會好似好耐先止到血咁∼點知個護士話可能係我ｄ血有ｄ問題∼仲叫我最好就去驗下血∼如果唔係有咩事都會幾麻煩咁話喎∼
唉∼！
都唔知係唔係既，又呢樣又個樣咁∼
點會咁先得架∼又會咁啱既∼！
唉，不過算啦，都係要聽爸爸話要去見醫生架啦
睇來呢次都無得走架啦∼最慘就係又要俾媽咪鬧，話我成日食埋ｄ唔健康既野呀，又唔食ｄ咩，又唔食ｄ乜咁∼唉！慘∼！

不過，今日都有件趣事既∼
我呢幾日都會去監堂，仲會有一個社工同我一齊監堂既，原因係因為我地監堂個班小朋友全部都係有一ｄ問題既小朋友，就好似有讀寫問題咁啦∼
咁呢，其中有一個小朋友係我之前起補習社都教過一、兩個月既∼開頭佢都唔記得我既，後來個社工介紹完之後呢，佢就記得，仲要好大聲咁講話佢認得我∼
真係俾佢激死∼
不過，呢個都唔係咩咁特別既事∼
好啦∼到開考，因為佢地都有讀寫問題，所以佢地係需要讀卷既，咁我讀囉∼無問題既∼！
咁，咁啱又坐起個個小朋友（認我個個）隔離，咁我一路讀，一路讀，點知我讀讀下，佢突然大叫，咁我咪「噓」佢，叫佢安靜囉∼之後咪繼續讀啦∼點知唔夠一陣又係咁，咁我咪用手好輕力咁掩住佢把口啦∼點知佢話：「嘩∼！何老師，點解你隻手咁香既∼？」
我聽到就即刻縮手，但係全班都已經笑緊∼
咁呢，係呢個時候，何Sir（個個社工）就好無耐咁笑住同佢講：「我隻手都好香架∼又見你咁講！」點知個小朋友居然話：「係你個頭，臭既∼！哈哈！」真係俾佢攪到唔知好惱定好笑∼本來佢仲諗住幫我打完場，點知俾個小朋友玩左∼哈哈
其實我都有少少無耐囉∼！