今日發生太多事啦∼當中有開心既，亦有令人震怒既∼就好似今日既題目一樣∼

今日，我地一班同事約左我地既前顧主去勞工處『調解』，但係個兩個賤精都無出現到∼於是乎，勞工處既主任就幫我地打電話俾個前顧主，問佢點解唔來∼佢話今曰唔得要第日先得，因為太遲收到信，安排唔到喎∼（你話我信唔信好呀∼！）又話好忙，等陣先覆到安排幾時再『調解』喎，又話等陣再打來∼！
跟住，個主任又打俾佢問佢我同其中一個同事既野（因為我同佢ｄ野易攪ｄ），佢開仲話我個ｄ已經攪掂晒∼但係佢又話我個同事唔應該追佢地大假，反而應該俾返佢地轉頭喎∼話我個同事爭佢地３日半∼點知，講下講下，佢又話想追返我個一個月既通知金∼但係有記性既人都應該會記得，佢係我媽咪生日（即母親節個日）打過電話俾我，話叫我唔駛賠∼到左今日，當佢知道我地要告佢之後，佢突然又反追返我轉頭∼我覺得真係好過份囉∼今次我真係唔會就咁算∼就連個主任收線之後都話：「唔駛擔心，呢個人誠信都好有問題啦，知道你要告佢，就話要反告你！」
個主任又話，如果真係上庭既話，呢點就要睇個官，判下睇下邊個有誠信囉∼我聽到真係把幾兩把火∼！我問個官：「咁點先叫有誠信先？用咩來判斷有誠信先？」我知個官聽到都打左個突，因為佢都無諗過我會咁大反應囉∼其實事後我都知自己有少少失儀∼哈哈
不過算啦∼
總之今次一句講晒∼我睇埋你１６號俾咩我睇，無野講既『上庭』講∼我唔會再同佢有咩爭拗囉∼皆因聽佢講都晒氣啦∼自己講過又話無∼！
我敢講我誠信無１００都有８０啦∼我怕你有牙麼∼？

我地見完之後，就落左黃大仙，做咩？拜神同求簽囉
諗住求返枝好既簽呀嘛∼哈哈∼
我求左幾枝簽，都好好∼上簽∼真係好好運呀
其中一枝我求左姻緣，佢仲話我０８／０９年好事近添呀∼
係就好囉∼有人要∼唔駛搵窿捐∼哈哈

我地求完簽之後，去左隔離個商場度飲下午茶，之後我仲去左捐血添呀∼呢２年事真係令我跌左落谷底既心情即刻返彈∼好開心呀∼

後記：
個主任都有ｄ攪笑野架∼我個同事問佢，而家件事咁即係點，佢居然話：未解決！∼
哈哈∼攪到我即刻揖低頭偷笑∼