今日，天氣唔係咁好∼ｄ雨成日係咁落唔停，就好似我既心情一樣

晏晝我去左大埔，返左屋企，仲飲左碗湯添∼真係好好飲！
跟住就同ｄ朋友仔去左食日本野∼
食完我就同佢地一齊走左去買野∼當我買野既時候，佢地就企左埋一邊等我，到我我返來個陣，佢地又係度笑，咁，我緊係問咩事架啦∼跟住佢地就話有人想撩我喎∼不過個幾個人淨係敢講唔敢做，所以咪笑囉∼原來係咁！∼不過佢地過來我就真係笑唔出啦！


∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．


自從尋晚既日記一出，我就已經聽到好朋友仔對我既安慰，我真係要好多謝佢地∼Hey guys! Thank you so much!

雖然，有好多人都話係佢唔識珍惜，不過我總係覺得好似我真係有問題咁，但係我又唔知係咩播∼唉！

不過，我真係仲未忘記到佢，每當我好似已經唔記得有呢個人既時候，佢既影子都總會係我面前出現∼令我再次諗返起呢一個人

有時回想起呢個人，都總係又悲又喜∼唔知點解，我總係會將佢既壞忘記，而永遠記得既，都總會係佢既好∼
我唔知咁樣係好定唔好，但係我覺得咁樣諗既話，我會好過一ｄ∼
曾經，我為佢試過自殺∼割脈
個次，係我去到最傷既時候，俾自己既一個了結∼我諗住咁樣，可能佢會返來，佢會理我∼不過，佢無！∼

返學校既時候，ｄ朋友個個都好關心我，日日陪我返屋企，陪我食飯∼但係佢地每日都會檢查我既書包同筆袋，一見到有界刀，就會收起！∼
記得有次，我聽完佢電話之後，我又發癲，我居然叫我隔離位個女同學幫我拎界刀，因為我既界刀已經俾ｄ朋友仔收晒，佢拎左班會個把界刀俾我，佢唔知我界手，但當佢知既時候，我已經界左啦∼不過，今次唔係好深，最攪笑既係，個次界完手，我走左去打排球，我地慣左打波會同男排一齊打，而佢地好唔會因為我地係女仔而收力，個次，我不停咁打，不停咁接煞波，之後隻手ｄ流係咁流，佢地先至知我界手，佢地不停鬧我，話我∼但係我就好似咩都聽唔入耳咁∼呆左咁坐左起度，佢地仲話如果我再係咁，就以後都無朋友做添！個個時候，我先開始有少少覺得自己有ｄ蠢，有ｄ笨，有ｄ白痴，但有ｄ戅居添∼

不過，我真係好多謝佢，如果唔係佢，我又點會知我ｄ朋友仔咁緊我至得架∼