今日發生左２件令我好意外既事∼當中有好既，亦有唔好既∼
點解我會話悲喜交集？因為呢２件事真係可以話好極端囉∼哈哈

首先，我地唔講ｄ衰野住，講左ｄ開心野先∼

喜從何來？
今日我食飯時間個陣，食左ｄ藥，諗住訓一陣先去食飯，連個同事問我去邊食，我都無理∼哈哈
訓下∼訓下∼突然我俾一個電話嘈醒左，一聽，原來係學校打來，叫我下個星期一返工呀∼講真，真係好開心，亦都好意外，因為我無諗過真係會請我囉∼我又唔係特別好，又唔係特別叻∼
不過，當中都有ｄ野令我覺得好似失左預算咁，開頭佢地話返１至５，６唔駛返，點知而家又同我講要∼唉，都有少少失望，不過諗真ｄ又好似無咩既∼算啦
正正因為咁，我就決定左辭職∼！
不過好唔好彩，就發生左ｄ問題啦∼

悲從此來∼？

我所講既問題，都算幾嚴重囉（我覺得）！
我諗左好耐我先決定會辭職，到左同老細講個陣，就發生左一ｄ問題∼
我同佢講：唔好意思呀，我諗住做埋今個星期就唔做啦∼
點知佢答我：咁唔得架喎，你做咩事要走呀？
我話：私人理由，屋企有ｄ事∼一定要走
佢　：唔得囉，你明啦，啱啱先走左ｄ同事，而家你又話咁∼講　　　　真，呢個係咪真既理由先？我唔想有ｄ人一搵到野做就走囉　　　∼間公司係講制度架嘛∼唔係你講一句走就走架∼如果唔係　　　既，你要賠返一個月囉，講真我都唔想行到呢一步囉∼
我　：唔係喎，之前幾個同事都唔駛架喎∼無理由到我就要囉∼我　　　會覺得好唔公平囉∼加上我地又無簽任何合約∼我都係想同　　　你講聲囉∼唔係話要玩野囉！
佢　：但係我地都有口頭歉意架嘛∼口頭都算係囉∼就算你走，你　　　都影響唔到囉∼我地有大把人ｓｅｎｄ履歷過來，要代你唔　　　難囉！
我就答佢：咁你講晒啦∼唔得架播！
　　　　　之前谷谷、Lee Lee同Carman都係咁架播∼到我就唔得　　　　　（我心諗，係啦喎你又唔俾我走）
佢　：或者咁啦∼我地傾返離職個個日期啦∼今晚放工我同你傾呀
我　：唔得囉∼我真係覺得唔得∼佢地都唔駛
佢　：佢地唔同囉∼係special case∼
我　：都係姐∼
佢　：谷谷個度係因為佢一向做事都係麻麻，我地都已經係想炒　　　　佢架啦∼咁佢要走咪俾囉！
　　　Lee Lee個度你都知架啦∼真係special case囉
我　：我唔覺得谷谷係special case囉∼柅炒既就俾佢走咁呀？
佢　：ar...或者今晚先再傾返啦∼你而家做野先啦
我　：（無野講，擰轉身返去做野）

當我返到入去，我係就係做野，不過我再無管班小朋友既秩序囉！佢地係超嘈架∼佢仲忍唔住入來話我ｄ小朋友ｔｉｍ∼車∼咁又點∼係玩野架啦，唔通你玩得我唔玩得啦喎！哈哈∼死未！

放工個陣，我都諗住佢會搵我傾，點知佢無開口∼咁我咪走囉∼唔通留低咩∼
今晚我約左幾個同事食飯，有個同事好遲先走到，原因係我老細想係佢身上套我ｄ料∼又吹水∼話我呢樣，話我個樣咁∼仲問佢我有無起ｄ學生面前抺黑間center喎∼又問我做咩個學生會喊住走∼又問點解ｄ學生會問我係咪走∼佢話佢唔識點答ｄ學生囉∼所以想問佢知唔知我ｄ野∼好彩，佢好叻叻，無講ｄ咩∼哈哈

係呀∼我係有同學生講我唔做呀∼吹咩∼你玩野先既∼
班學生知道左都唔係幾開心∼有個仲喊ｔｉｍ∼
佢喊係因為係由補單對單開始補到而家，由頭到尾都係我跟，都有成個學期架啦，佢媽咪都好鍾意我∼我都好想幫佢補埋個考試，不過真係唔得囉∼真係唔好意思
我都有〝氹〞返佢叫佢唔好喊∼我都知佢係死忍∼因為佢成對眼都紅晒∼跟住我就請晒佢地全部食糖∼笑返啦∼我都想留個開心既印象架嘛∼有ｄ學生就問我會唔會暑期再教返佢地，我就答左唔會∼佢地都好失望∼ T-T


給我教過既小朋友們：
　　
　　你地要乖ｄ啦∼唔係我教，都要聽話呀∼
　　　　俾心機，努力ｄ讀書，我知你地實得架∼
　　　　　　加油呀∼錫晒你地！　>3<"

Miss Ho