死啦∼死啦
今朝訓醒發現自己對眼腫到不得了，好辛苦，好痛呀！

今朝仲有件突發事件發生左，呢個係我預計唔到既事。
今朝，我真係訓到天昏地暗，連電話響我都唔知，呢一覺好似訓左好耐咁∼就係我訓到濛濛濃濃既時候，我收酊一個電話，呢個電話可以話對我來講都幾仲要，但當我拎起電話既時候，我就講左ｄ唔應該講既野，對白係咁既：

Ａ：你好呀∼何小姐，我地係．．．打來架，想同你約返時間面試既， 唔知你2/5得唔得閒呢？
我：（我仲未訓醒架）哦！我仲要返工架∼
Ａ：哦∼咁由佢啦∼唔該晒
我：哦∼拜拜

之後，佢就收左線，呢個時候我再訓返，訓左一陣，我突然間醒左，

跟住我問自己：係咪有人打來叫我見工呀？咦！我做咩推左佢既？
就係呢個時候，我就再打返電話俾個間公司，好彩，佢地都俾返我見∼不過，我覺得自己好低Ｂ，點會咁架∼咁都得既咩？唉！真係灰晒！
跟住我都再無訓返，就打俾爸爸，同爸爸飲茶。
過到去，飲完茶我仲要去影相，要見工用呀！咁就死啦，對眼腫到咁，點影？
唉！最後我都照影，點知影完到攞想個陣．．．嘩！有無攪錯？又會影到對眼真係腫得咁緊要既？真係離譜！
不過算啦∼我都唔打算影過，反正呢個都係我姐∼係咪？

晏晝，我就同班ＦＤ一齊傾計，佢地都知我唔開心，我好多謝佢地聽我呻！

到左夜晚，我同屋企人出左去食飯，我食飽左之後，我打左俾其中一個離左職既同事傾計，我真係要講句唔好意思，我明明話左唔會喊，但係我真係忍唔到，同佢傾傾下，我又想喊，但係我唔可以再喊，佢話：我地千其唔好喊住走，寧願惱住走都唔好喊！
但係我就答佢：我知呀，但係我真係唔捨得你地嘛，你地個個都咁錫我，咁照顧我，但突然間個個都走晒，得返我一個，咁我點撐呀？
講完之後我都忍唔到啦∼
不過，我係絕對唔衰俾地賤人睇既∼
我會好堅強咁∼直至我搵到第二份工∼呢個係我既新目標，我要轉工！

『我地會keep住聯絡架嘛！』呢句我會記得。

Forever Friendship! Miss everyone of you!