今日公司發生左幾件事，令到我覺得好唔開心，仲愈來愈唔鍾意宜家份工， 

 因為我覺得我老闆太衰，太過份啦！

第一件事：

 有一個同事同我講話佢上星期已經向老細講左話辭職，咁我老細尋晚就覆佢，

 話無問題，可以俾佢即刻走（即係做埋今個月），點知， 

第日我老細個衰人走去同個新同事（返左兩、三個禮拜）講：「我炒左ｘ啦！我想炒佢好耐架啦，成日做錯野！真係早走早著！」

跟住個新同事居然問ｘ係咪俾佢炒左，ｘ聽到即刻好惱，鬼咩，俾我都惱啦， 明明係辭職，點知俾人話佢俾人炒，仲要話佢做錯野潻！
唉∼估唔到我老細男人老狗居然咁八婆，周圍講人事非，成個八婆咁！

第二件事：

 呢件事比較嚴重ｄ，今日個外籍教師唔舒服（已經病左成個月啦！同我差唔多）， 

 係咁咳係咁咳，食晏個陣佢都已經係咁，點知，到左上堂個陣個佢咳到嘔血， 

 我地幾個都知道，仲叫佢去睇醫生，但係佢就唔肯去，話驚老細唔俾， 

 因為佢尋晚傾電話傾到好夜（佢同我老細一家人住，因為我老細無幫佢租屋）， 

 咁我地啊頭就幫佢同老細講，諗住佢會俾啦，點知佢真係以咁既理由唔俾佢去， 

 仲話係佢自己攞來既，咁，無計啦，佢咪死頂囉， 

 點知我老細同新同事講：「都叫佢返屋企架啦，又唔聽，要死頂！唉！」 

 個白痴既新同事又信，咁ｘ咪特登問個外籍教師囉，

佢聽到個外籍教師講：「唔得呀，老細唔俾」個傻人到個陣先知信錯人！
不過，佢依然係無睇醫生，老細仲俾面色佢睇，佢嘔到成個圾垃筒都係，我睇見都辛苦！
佢一個人來到香港已經好慘，仲要病埋，點知老細一ｄ都唔體諒，

只係覺得佢扮野，講真呀，我平時病個陣，佢都唔俾我放假，我都係死頂，

但係佢就真係好金囉！
唉！經過今日，我真係已經無心戀戰啦∼真係好灰！好想轉工！

聽日，我地就同個同事攪farewell party啦∼

真係．．．　．．．好灰！