今日終於都整起左其中一個course既副本,不過仲有好多細節野要再執執,其實我仲可以再快手d既,不過真係無心戀戰啦！
自問自己做得野既,但係衰在唔識擦老細鞋,所以只係『原地踏步』;相反,做唔到野個d,但係又識得擦鞋既,就『水鬼升城隍』,要咩有咩,想唔做咩,嗲下老細就得勒,你話呀,咁樣我點玩呀？

我諗我都係唔理好過理，免得中招，『佢死佢事，唔關我事』，唔通ｄ人要玩野唔俾佢玩咩，我就懶理，總之攪唔到我呢，我就唔鬼理！

我做到既，而自己又想做既，我先會做，唔想既，話之你等到幾時都唔做！

而家我想既只係日日準時放工走人！

今日老細臨放工個陣先走入來同我地講：「我今日訂左雪糕火鍋呀，一齊留起度食呀！」
我同個同事聽到之後都窒左一窒，之後我地都話約左人，唔食閃左！我地心諗，如果係想請人食呀，就一早問左人有無約啦，咁突然，邊個得閒睬你，你估個個都咁得閒，隨傳隨到既咩！
好心啦！係人類既就對ｄ員工好ｄ啦！唔好成日都諗住點扣人工！
唉！我都費事睬你，大∼學∼生！