尋日，我問左一個好怪既問題，不過，我始終都唔知係咩回事！

今日，我同一個識左好耐既朋友提起呢個問題，因為佢出來蒲慣，所以佢話呢樣野對佢來講一ｄ都唔陌生，皆因佢成日都會掂！

係呀，佢的而且確係一個古惑仔，呢樣野由我第一日識佢我已經知，我地仲拍過拖，雖然，我地一齊既時間唔耐，但係佢都對我好好，我個陣之所以會同佢一齊，係因為我覺得好似好有安全感咁，但係隨住時間慢慢、慢慢咁過，我就愈來愈唔鍾意古惑仔，因為我覺得太無安全感啦，次次同親佢出街都會驚唔知見到ｄ咩人，我真係好討厭，就係因為咁我地都無再一齊！

到左最近，我地先至再一齊玩返，仲ｆｄ過以前，不過佢依然都係咁，一ｄ都無變過　－－→　依然咁鍾意蒲，依然都係口多多！

哈哈，講真架！唔好惱啦，如果你睇到既話！

佢最近同我講，話唔想再做古惑仔，我聽到之後就同佢講：好呀，做返好人咪仲好，係咪？
佢聽完之後，只係笑左一笑，咁就走左，我都唔知佢究竟諗咩？！
過左幾日之後，佢同我講，話佢已經唔係古惑仔，我問佢點解既，可以咁容易話唔做就唔做既咩？
佢又係度笑，之後話：緊係無咁易啦！拍戲都唔得啦！
我聽完佢咁講我緊係繼續問落去啦，點知佢就話呢ｄ野唔知好過知喎！真係俾佢激死！
講真，我緊係唔肯擺休啦∼
咁佢咪講囉∼哈哈，強襲成功！
佢話：其實之前落ｄ都已經同左啊大講，不過見佢好似當我ｈｉｇｈ大左咁，唔理，唔認賬！咁我咪前晚趁住同ｄ叔父一齊玩個陣再同佢講囉，點知∼佢唔俾，佢話如果要唔玩既話就要索左呢安ｋ，咁我咪索囉，一路索我就一路流鼻血，到而家都仲有流！（過左一、兩日ｊａ，我地傾計個陣）

我聽到之後有少少想喊既感覺，我真係唔係好明，點解佢地要做返好人都唔得囉，點解先？唔通做左估惑仔既一世都要行古惑啦ｂｏｒ？

我問佢點解會咁堅決，不過佢無答我，只係對住我笑！
我真係覺得有ｄ莫名其妙囉∼

我又有一個問題啦∼『一安』即係幾多呀？哈哈∼好奇嘛！

不過，點都好啦，做好人始終係一件好事來既∼努力啦！我撐你架！