嘩！嘩！嘩！

今日好充實呀∼哈哈∼好多野做啦∼唔會悶∼！
我覺得咁都幾好呀∼至少我唔會無聊無野做，攪到好似偷懶咁∼

今日仲見到以前ｄ學生ｔｉｍ呀∼真係開心囉∼

今朝一返到去，我第一件事做既，本來應該係做野架啦嘛∼點知，佢地話我都未夠鐘，叫我食左早餐先喎∼咁都得∼又好姐∼！
咁我咪慢慢食囉∼食到夠鐘就開始做野∼

到左１１點度，佢地話要去禮堂幫手，因為一年級要打針ｗｏ∼
本來就無我份，唔駛幫手既∼點知，又話要多個人幫手，咁咪要去囉∼
去到禮堂，見到既全部都係一年級既小朋友仔∼而我要做既，就係要抱住佢地，等佢地唔好亂咁郁，如果唔係就會有可能整斷支針架啦∼
佢地都算幾乖，無咩點扭計。佢地都好醒，知道我會抱住佢地，每當我叫佢地個陣，佢地都好醒，就一野咁坐左落來∼哈哈∼隻腳都斷啦！哈哈∼

不過，到左最後，佢地走個陣，都好有禮貌，不停咁同我講拜拜，又不停咁同我講唔該晒∼多謝晒咁！好乖呀∼
不過，隔離班就差ｄ啦∼有幾個小朋友喊同扭計，好彩我個ｄ無姐∼抵錫∼！