今朝又要一早起身返工∼真係有ｄ唔捨得張床呀∼好眼訓，如果可以訓多陣就好啦，不過呢樣野當然無可能啦∼
唉∼！咁唯有慢慢咁爬起身係啦∼
起身第一件事就緊係睇返尋晚既世界盃揭幕戰既賽果啦∼睇左ｄ精華，唔∼唔錯∼哈哈∼好期待今晚英格蘭對巴拉圭∼
好啦∼今日要俾心機先得∼！

出門口行左無幾耐，ｄ雨又愈來愈大啦∼我唯有搭的士返去係啦∼返到學校門口，落的士個陣發生左一件意外∼！
就係當我正正要落車，打開把遮既時候－－＞我俾把遮介親呀∼開頭我都仲唔知，只係覺得隻手指有ｄ痺痺地∼之後一望．．．嘩∼！好痛呀∼好多血呀∼！原來隻食指俾把遮介親，仲幾深下添∼返到上教員室，我放低ｄ野之後，就即刻搵野來消毒，我以為無咩啦∼可能係皮外傷，點知一滴ｄ消毒藥水個陣，就「拿」到飛起，清理完ｄ血之後，我就可以好清楚咁見到個傷口，個傷口好深呀，個塊皮飛開左咁∼可以揭開∼哈哈∼ｄ血仲不停咁流出來∼於是我就咁蓋返好塊皮，跟住貼藥水膠布∼我諗住咁樣就得∼點知成張膠布都係血∼唉∼！足足要換成３、４張先無再流得咁犀利∼
唉！真係慘∼
唔單止咁簡單∼仲有一單∼
今日我要將ｄ用完既試題搬返好佢，點知當我行近度門個陣我就跣親，好彩有個啊ｓｉｒ係後面扶住我咋∼如果唔係後果真係．．．　．．．我之所以會跣原來係因為尋晚ｄ雨整到個門口濕左，有一大灘水係度而造成既∼好彩咋∼！
個啊ｓｉｒ之後仲幫我手一齊搬ｄ試題∼真係唔該晒啦∼！
正因為今日整親隻手指，所以打字慢左好多∼攪到仲有好多野都做唔晒∼唉！！可憐∼可憐∼

放左工之後，我返左大埔∼仲同爸爸一齊去左買餸添呀∼我地買左好多野∼爸爸仲買左蟹來煮俾我食添呀∼好野∼
爸爸萬歲∼！！！
係食飯之前，爸爸叫我拆左塊膠布，再消毒多次跟住噴噴霧膠布喎∼我聽到要噴噴霧膠布我就緊唔制啦∼皆因我怕痛呀嘛∼哈哈
不過最後我都係噴左既∼真係痛死我啦∼嗚嗚．．．嗚嗚．．．好痛呀∼
點解我會肯噴？嘻嘻∼因為唔噴無得食蟹呀∼哈哈

食飯個陣我地仲一齊睇波添呀∼緊係啦∼今晚係英格蘭對巴拉圭呀嘛∼緊要睇啦∼英軍加油∼
係賽前，我估英軍至少都會入兩粒∼因為佢地之前對賽既結果都係３、４粒∼咁我保守估計，諗住都有兩粒∼可惜原來係無既∼（烏龍球唔計）∼
不過佢地都有攻有守架∼做足晒∼可惜有ｄ人好似仲未撻得着∼唔緊要啦∼我知佢地會努力既∼ｙｅａｈ∼ｙｅａｈ！
真係好多謝巴拉圭既隊長∼多謝晒！哈哈
加油∼努力∼