今日偶然間聽到一首歌∼呢一首歌，我平時都唔會聽晒全首，因為我成日都會跳歌∼唔知點解，今日我無咁做到∼聽晒全首∼我發覺ｄ歌詞令我好有感覺∼

呢首歌既歌詞：
《共你的分手　已是六年前　傷口新鮮　如像昨天》
《已經不能重新　喜歡一個人》
《像已窮盡信心　無力再生　只想一起不會傷心》

呢幾句歌詞對我來講真係完完全全啱晒∼
咁啱我同佢又真係分左手成６年咁耐∼但係每次當我再見到又或者再諗起佢既時候，我都總係好難忘記，無論係佢既好，抑或係佢既壞，統統都似係尋日發生既一樣∼
坦白講，到而家既每分每秒，我都依然會覺得佢仍然存在我既身邊，但係我知，我知呢樣野永遠都唔會發生∼！

我而家想既∼只係想搵一個可以永永遠遠俾我依靠同依賴既人同膀頭∼！
如果俾我搵到，唔知我會唔會好幸福呢？
我會活得比『你』好∼！

∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．

今日我返左屋企同屋企人食飯∼因為今日係爸爸媽媽既結婚週年紀念∼！
今日好開心呀∼！
如果日日都好似今日咁就好啦∼

對於去唔去外國個件事，我諗我暫時都唔會考慮住∼但係，當我發現香港呢個地方再無野可以令我留戀既話，我諗我會選擇離開∼！
雖然，而家唔會，但係將來既事始終都係無人可以預料得到既！