今日係我第一日返星期六∼佢地個個都話星期六應該無咩做，但係今日就啱啱相反∼好多野做∼仲要係幾樣幾樣咁∼慌死我會悶，定慌死我無野做呢∼！？

其他既同事走左去３樓，做咩？打機囉∼佢地有叫我架∼但係好唔好彩，次次當我想出去既時候，都會俾人叫住我，叫我幫佢整ｄ野先喎∼！唉∼改野咋∼自己唔識改咩！∼好衰架∼無得玩啦！@-@"

今日睇完無線播既──→「MVP情人」
其實我一早就睇晒架啦呢套台劇,好touching！
點解我會睇？都係咁啱睇到其中一集，見好似都ok咁,咁咪睇囉∼雖然，套劇ｄ演員唔係個個都好紅，但係個劇本都唔錯呀∼我個次睇完個集之後，就即刻搵左呢套劇，晚晚都睇兩至三集先肯訓，不過第二日起身隻眼就腫到好似隻雞蛋咁，點解？因為太感人，我忍唔到，喊到咁，再加上又夜訓喎，所以咪咁囉∼仲好記得個時ｄ同事都成日笑我架∼鬼咩∼隻眼腫成咁∼哈哈

今日再睇返個結局，都依然忍唔住喊左出來∼唉！我真係渣！
睇完之後，我有個問題好想問既：係咪真係有人會願意等一個自己鍾意既人等咁耐,同為佢做好多野,咩都為左佢呢？
我都試過，但係我既結局並唔係同劇裡面一樣∼唉！


∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼

其實，前兩日返工既時候，我又好似見到佢啦∼點解會咁？
既然你已經結左婚，咁我好應該將你忘記先至係架，但係，但係點解偏偏又要俾我見到你呢？你可唔可以係我既世界裡面消失呀？可以當係放過我嘛？咁落去真係會死架∼我知，我好明白已經過左好耐，但係我可以好坦白咁講你知，究竟點解會咁∼
我忘記唔到你，係因為你係我既初戀，係呀，我都知好白痴∼更因為我地已經拍左成４、５年拖∼我真係仲未能夠忘記你，我已經好努力∼但係點解每次我差唔多忘記你既時候，你都會出現呢？
我真係唔明∼你傷完我一次又一次，仲一次離譜過一次，理應我係好憎你好恨你先至係架∼點解會咁架∼！
係你令到我好憎自己，點解我仲要咁∼我真係白痴到無人有∼！

諗起個次你拖住個女仔同我講既野∼我真係好想死∼上次死唔去，真係執返身彩！∼我其實一路都知道你出面有第二個，係我一路唔認，諗住你會返來，但係點解？點解就偏偏俾我親眼見到喎？
我到而家都仲未忘記到你個日同我講既野囉∼

你攬住佢同我講：「咩姐∼玩下之嘛∼人地都有男朋友啦！唔鍾意咪返去囉，我玩厭左就會返來架啦！你理得我咁多姐∼！」
我喊住咁話：「咁我地返去啦，好唔好呀？」
你知唔知你點答我呀？
你話：「玩野呀？叫你走就走啦∼！你又唔夠人靚，又夠人溫柔體貼，你仲想我點呀？走啦你！」

係呀∼我認我係唔靚，唔溫柔，唔體貼，更自問唔係１００分既女朋友∼但係我到今時今日都仲未知我究竟錯起邊囉∼係，我唔係滿分，但係我自問我都做足左我要做，同我應該做既野啦∼放學要幫你做功課，洗衫，煮飯，執屋同睇住你細佬∼應做既，我都已經做晒啦∼你重想我點？我錯係邊呀？不如你直接話俾我知啦∼

究竟我係你心中係值幾多分？
究竟我應該做ｄ咩先可以忘記你呀？

係你，係你令到我唔再愛人，唔敢愛人，你甚至令我覺得我連愛人既資格都無∼！