哈哈∼開心死我啦∼

今日去2nd interview，好緊張呀∼學校約左我４點３，但係我３點８都未夠就到左，攪到我好似怪怪地咁∼
去到校務處之後，一睇∼咦！無人既，咁點好呢？
咁樣，我就企左起校務處外面，企左一陣（大約５分鐘度），就有個人行過，原來係上次見我個個主任，佢居然認得我喎∼我突然覺得有少少出奇∼不過好開心囉∼哈哈
居然會有人記得我∼
佢好好人呀，明明好忙，都幫我叫左人安排個地方俾我等見工，佢仲同我講，今日我要見既人係　→　校長∼！
當我聽到之後，我有開始有ｄ驚驚地∼我寧願佢無同我講好過，至少到見個陣我會覺得係理所當然，寧願『無野既、無野既』心情仲好過∼我足足等左半個鐘有多∼因為我真係早得好緊要∼

見個陣都有ｄ好笑野發生∼
一入去會議室，坐低之後校長就開始問我野，佢問左一ｄ關於我而家工作既野，跟住佢居然話：唔．．．睇你份履歷，你都做左教育既工作都有一段幾長既時間播，不過睇你個樣，你似係啱啱畢業多ｄ∼哈哈∼唔好介意呀∼

當我聽到之後，我都唔知講咩好啦∼我心諗：唉！可唔可以唔當我小朋友呢∼小朋友唔著西裙恤衫架嘛？
起呢個時候，我就唯有得個笑字∼
問完一輪，佢問我如果啱既，係咪可以即時返工？
我就答佢係∼跟住佢又反問返我，你唔駛通知公司既咩？我就答佢話，唔駛呀，我無合約起身，佢亦都無講過要，只係通知一聲就可以啦∼
佢又問我人工點計，有無供強積金？我就話係月薪，不過無供強積金，但係公司有開到acc.既∼可能佢地轉左我地做自雇掛∼
個校長聽到都話：咁都得既咩∼
我就唯有答佢唔知全啦∼
哈哈∼

臨走前佢地再到我重伸一次份工既野，校長仲開左個玩笑：佢話我地人工就咁既，不過放心，我地會幫你供強積金既∼
哦∼係既∼我就咁答佢∼

見完啦∼成個人鬆晒∼哈哈
不過，我都有ｄ驚，今日來見既，包括我在內總共有２個∼
校長講過我typing唔係幾得∼呢個我明既，我都知自己事∼不過我個日真係好驚囉，有個人企左成你後面，我真係打唔到囉∼哈哈！加上又食左藥，所以前幾日未收到電話個陣我都打定輸數架啦∼
當校長咁樣講個陣，見佢搵緊我個張test paper，就係呢個時候，我發現左另外個個人既test paper，個陣我仲失望，因為佢打晒份test paper呀∼

唉∼有ｄ驚ｔｉｍ∼
算啦∼擔心唔來既∼哈哈

起我等緊佢地見個陣，我打左電話約睇醫生∼約左５點∼但係到我見完，買埋野（買野煮糖水）返到屋企個時，我先醒起我約左睇醫生，個時到已經５點半啦∼唉，又要行多轉！
今次我睇醫生都有進步，唔駛食咁多約，不過都有成５、６種∼哈哈∼都唔知點解會咁多架∼！

呢個幾月食藥仲好似多過食飯∼唉！
真係苦過弟弟∼@-@"如果個胃再係咁落去,後果都幾係野∼死梗！