尋晚打機打到好夜，攪到今朝成７點幾先訓，訓到２點鐘度，又俾電話嘈醒左！

咁無計啦∼即係夠鐘起身啦！

起左身之後，發覺今日熱左好多好多！本應約左人聽日一齊剪頭髮既，但係真係太熱啦∼好想去剪頭髮，但係又應成左爸爸陪佢食飯喎，咁點好呢？

對於呢個問題我都係唔知，於是我就去左沖涼，沖完涼簡直個人都舒服晒呀∼無咁熱！
到我再睇一睇鐘，原來已經成７點半啦∼咁點呢？
我選擇過左爸爸度先再剪頭髮，但當我過到去之後，我先至記得人地已經關左門，咁．．．　．．．即係剪唔成啦∼又要再等聽日，都唔知聽日係咪真係得先得架∼我咁大蒙！哈哈

剪唔成，就唯有陪爸爸食飯先啦，今次我地去左屋企樓下新開個間酒樓度食，順便諗住試埋菜，因為母親節又到啦嘛，加上媽咪又１５號生日，所以諗住順便攪埋，但係當我地試完菜之後，發覺呢間野真係唔係好得，呢海鮮一ｄ都唔新鮮，ｄ片皮鴨又唔好食！
平時我食飯都會食蝦蟹同扇貝，因為我好鍾意食海鮮，但係今次個打扇貝我都只係食左一隻就無食啦∼原因係－－－＞ｄ扇貝唔夠新鮮，全部都係死既，蝦同蟹都一樣！片皮鴨二食，ｄ片已經整得唔好食，但係都叫ｏｋ；到左個二食先好笑，擺到明個隻就唔係我地之前個隻鴨啦∼點解我咁肯定？好簡單，我地食既係片皮鴨二食，一食已經起晒佢ｄ皮啦，但係到左二食既時候，個隻鴨居然仲有皮，仲唔係少少咁簡單，而係全部都有皮，係咪有少少攪笑呢？

雖然，我唔係咩食家，但係我爸爸佢係做海鮮批發既（我以前住西貢架嘛），又係做廚房，試問咁我又點會唔識食呢？
不過，呢ｄ都係爸爸教既，佢成日都教我整野食架啦∼哈哈