今日我去左勞工處，問左關於我地個幾位同事同公司之間既事∼
不過，個答案同我想既有好大分別∼佢話我係要賠∼呢個我明呀！當我同佢講之前都有同事同我一樣，就咁走左，都無俾一個月通知金，個個人居然答我：可以佢唔駛佢俾呢，只係要你俾都未定∼你知架啦，老細想點就點，佢個個都唔追，係要追你都無佢辦法！
唉∼我聽完，我突然之間覺得好灰，好似咩都幫晒佢咁∼！

不過，唔緊要啦∼我地仲有我地既『終極武器』∼哈哈∼
而家呢∼我就唔講住，等攪掂先啦∼哈哈

今日真係好黑仔∼得唔到好既答覆之餘仲整親隻手∼
事源係咁既∼

今朝爸爸打俾我，同我講話契家姐會帶埋ＢＢ會過來，叫我早ｄ返去∼哦∼咁梗無問題啦∼有ＢＢ玩喎，梗返架！
返到屋企，媽咪就追問我關於公司ｄ野∼我都講到好勞氣囉∼！
我一路講，就一路睇雜誌，點知睇下睇下，就出事啦∼我界親隻手指尾呀∼ｄ血仲巴巴聲流晒出來∼好痛呀！我都係睇書姐∼
原來我俾成４、５張紙界親隻手指尾∼唔怪得ｄ血可以流得咁快啦∼哈哈∼我仲要俾爸爸話我論盡∼佢仲叫我噴噴霧膠布∼好痛呀∼