今日係端午節,係度講返句:端午節快樂！

今日一早起身（呀∼唔係，已經係晏晝啦！）就要即刻梳洗，因為要同屋企人飲茶呀嘛∼哈哈
去到酒樓，好多人等緊位呀∼我都等左成二、三十分鐘∼！
唉∼！
飲完茶之後，我地去左行一陣，跟住再去買餸，今晚煮飯食∼！
我地買左好多好多野∼有魚、蝦、蟹、雞、燒肉．．．等等

返到屋企，我地第一時間就係煮蟹食∼好好味呀∼！
因為有ｄ已經係開飯之前俾我食左∼所以我知道好唔好味∼哈哈

食完飯，我地就一齊傾計，咁啱有個過左外國既嬸嬸打電話來屋企，佢同屋企每個人都傾過，到我啦，佢居然叫我過去外國發展喎∼佢話而家後生過去闖下好ｄ喎∼
唉！咁點好呢？係∼只係需要俾機票＄，其他都唔雖要擔心，不過．．．我都係唔知自己想點∼！？
又或者我仲有ｄ野未放得低啦∼如果我真係過去，我仲會唔會想返來呢？