今日一齊同ｄ同事食飯，我地成班就去左飲茶，ｄ老師同校工都有去架∼
好開心架∼不過個過程就令我有ｄ唔係咁好意思囉∼！

飲完茶之後，我地就分開兩批搭的士，我就同另外２個同事一齊搭，原本我地企個個位好似無的士，咁我地咪過左對面馬路度等囉∼等左成十幾分鐘先有車∼到有車啦，黑仔野就發生啦∼！
咁耐我地先至有車，我地仲唔拿拿淋上車咩，如果唔係遲左返去就真係死人囉∼！
咁我咪開車門囉，點知個司機又停得衰，停正係條欄杆附近∼呵∼！好囉，一開門個陣呢，我隻手就咁啱夾正係個欄杆同車門度，個下真係痛到死∼但係又夠鐘啦喎，咁咪上左車先囉∼！
上到車，我先睇一睇隻手，原來夾親啱啱好個隻中指，點解又係個隻既∼！？
一睇到，我都嚇一跳，我開頭以為無事既，但係好痛，所以我同ｄ同事講俾個欄杆同車門夾親∼！
個司機聽到就問：「咁你有無事呀？有無流血呀？」
我以為無咩事，又好似無見紅咁我咪答佢話：「好似無呀∼！」個呀字都未講完，隻手指就巴巴聲流血，個同事見到咁佢咪問個司機有無紙巾囉，個司機就即刻俾包紙巾佢，佢就好好咁幫我試下止血，佢就將我隻手抬起，跟住就用紙巾包住，佢仲一手揸住我隻痛「指」∼！真係攞命∼
返到去，佢地諗住幫我止血同洗傷口啦∼點知．．．
點知原來張紙巾「chi」住左個傷口，掹唔開，要剪開個塊皮先得∼唉∼！黑到痺呀！
好啦整完啦∼以為咁就無咩事，貼塊膠布就算，點知佢地話要用火酒消毒同用噴霧膠布，我聽到就緊係耍手拎頭啦∼！
佢地就改用黃藥水，點知後來有個啊sir知道，咁佢咪話用沾有火酒既消毒藥片消毒，開頭我聽到都唔願意架，後來佢地講講下，咁我咪用囉，一用，就真係出事啦，痛到我呀∼又唔可以叫出聲喎∼真係頂∼！
用完之後都即刻痺到咩咁，佢地仲用埋黃藥水添，不過已經無晒感覺啦∼唉！
攪左一輪，終於都攪掂，貼左膠布啦∼！

唉∼又無手指用啦∼！
呢幾日又要煩舊公司ｄ野∼勞工處個個人話我地舊老細個賤人要追返我地３個既通知金喎∼就連而家做緊個個都追，但係做緊個個係上個月３１號就通知左話要辭職，點知個賤人話無聽過喎∼
真係衰到無人有∼！
要開始自己打份「狀紙」啦∼哈哈
即係又要作文咁作啦∼真係死人啦∼！

＊有人講返俾我知，我打左呢篇野成２粒鐘咁滯∼
∼哈哈∼！真係唔好意思！ >.<"