今日真係好眼訓∼又好累，所以．．．無打到日記∼！

而家見得閒少少，等我補打返先∼！

今日上來check留言（但係未覆過∼得個睇字）發覺原來都有人朋睇開我日記∼
我無打一日佢地都好似有少少擔心，唔知我好似會發生咩事咁∼
真係令我又驚又喜啊∼！

我的確係尋晚無打日記，係因為我又病左∼
哈哈∼
打左出來又要人擔心∼真係唔係咁好∼
加上成日都病，咁睇落去都好似唔係好健康咁∼！
不過，無計啦∼
已經好小心架啦∼都仲係會病∼
我都無計∼

尋日返8半返早左，所以相對地亦放早左∼放4半
雖然要做既野唔算好多，但都幾係野∼
做完左之後，盲好好多，free　ｄ∼

尋晚就無煮到飯，原因唔係因為我懶，係個廚房燈壞左
咁我又唔識換，咁我咪唔煮飯就算囉∼
當係休息一、兩日
哈哈∼！
總於，我尋就去左食元綠∼呵呵∼日本野好味道∼！

不過，食完又覺得自己好似好曳咁∼
明明唔舒服，又去左食生冷野∼
不過唔食都食左啦∼唔打緊，唔打緊∼
哈哈∼

唉∼講返英格蘭先∼
佢．．．佢地最後都真係打破唔到38年來既宿命∼
講真，真係有d唔開心∼
明明領先緊，點知．．．到左90分鐘先和∼
唉∼又會咁都有既∼！
不過，我相信總會有勝利既一日既∼哈哈∼
另一件事，令我覺得唔開心既係：奧雲又傷左啦∼
我由佢一出道就開始鍾意佢，就連自己件排球波衫都係10號
我睇波，唔係睇仔∼
係睇隊波，同自己鍾意既球星∼唔係話睇靚仔囉∼！
難道靚仔一定踢波叻？
而家我最想都係奧雲可以快ｄ好返∼！
因為英格蘭今次踢世界盃得４個前鋒∼
奧雲、朗尼、高治、禾碓特
而家奧雲傷左，會少左一個；
朗尼又啱啱先好返；
高治已經有一面黃牌係身，而且自己又唔係咁睇好佢，場場都會將機會既入球變成無機會既飛機波之類咁；
禾確特又經驗不足，又沒有英超上陣的經驗∼！
唉∼！
真係有小小擔心英格蘭∼！