今日總括來講都好開心∼又好好玩∼！

今朝一早就去左勞工處，點解？咪攪掂埋ｄ野，仲要再傾下咁囉∼
不過ｄ人都唔會賠架啦∼原本就成４千幾∼佢只係俾得個２千幾３千∼你話咁我仲會唔會簽呀？
你係我，你又會唔會呀？
傾左成粒鐘，佢見失勢又追返我個通知金轉頭∼咁我聽到咁，咪大佢囉∼
我話：「而家唔係我唔賠，係佢打電話話叫我唔駛賠同補一個月，而家又走來追我？如果係一早咁講話叫我賠，我實賠囉，我又唔係未試過∼！不過我可以好清楚咁講一句，我而家係唔會賠既∼因為你只不過係秋後算脤姐∼！見我地告你，你又反告我之嘛∼！」
佢聽完都俾我激到跳起咁滯∼！呵呵∼抵呀，抵呀∼
咁我地都決定左上庭，一於玩大佢∼哈哈∼！

攪完晒之後，我地就去左唱Ｋ！∼
唔係唱左好耐，都係一陣姐∼我地本應都想唱耐ｄ架∼不過好可惜唔得∼！
點解呀？因為．．．因為我地仲有要事要做∼！哈哈∼
真係好緊要架就係──＞整蛋糕∼
我地唱左２個鐘度，就要即刻閃人∼皆因我地約左個師傅２點半呀嘛∼
去到個度，開地就開始準備同整野∼
嘩∼原來唔係俾晒料你個ｄ來架，所以呢個會好玩好多，因為咩都要自己整，自己量，同自己諗材料同裝飾∼
我地３個人一共整左７個ｃａｋｅ∼我整左３個∼
佢地話我整得好有心機同好靚靚喎∼有ｄ似出面買個ｄ∼哈哈
不過可能好睇唔好食呢∼
等我整埋ｄ相上來先∼一齊分享下呀
今次其實係我第一次整ｃａｋｅ，仲要一整就整３個
開頭都好驚自己做唔到架∼仲成日要不停問師傅添∼攪到自己好似失憶咁∼不過我都係驚錯先會咁之嘛∼
哈哈∼唔好笑我啦∼！

睇下，俾ｄ意見啦∼真係一手一腳自己整架∼
好有滿足感∼