我以為尋日黑仔架啦,一出門口就落雨,仲攪到我要返轉頭拎遮添∼
不都尋日都叫黑唔晒，因為仲可以返上去拎遮∼不過今日就．．．
>.<"今日真係好黑仔囉∼出門口個陣個天仲好地地，咁我以為無問題，唔會落雨啦∼一路行，行過左個商場之後，到左地無瓦遮頭既地，個天就慢慢開始，越落越大雨，攪到我由頭濕到落腳∼真係名副其實既『落湯雞』！

不過，今日都好好，係公司成日都好似無咩點做過野∼止係好「閒」咁簡單，係超「閒」先至真∼哈哈∼

我返左呢度都成半個月啦∼今日派成績表∼係關於我地幾個ＴＡ既工作表現既∼哈哈∼
呢個成績表總共問左成４４位老師，得出既結果都俾我想像中好∼
只係有９位老師俾無意見，個主任就話呢個唔係我既問題，係因為我仲係新，未接觸到某Ｄ老師姐∼哈哈∼
個調查有成５個答案選擇架，如下：
一.非常滿意
二.滿意
三.良好
．─．─．─．─　合格線
四.有待改善
五.無意見

我都有非常滿意，呢一點我都估唔到∼個主任話，要１∼３夠８成先叫好，先有幾會續約∼我話你知呀，我而家１∼３已經有 79.8% 啦∼個 21.1% 呢就去左無意見度，所以我仲要再努力！
雖然，個主任話呢個唔係我既問題，但係我都覺得自己仲可以好Ｄ∼我會努力架啦∼