今日好忙呀∼哈哈

我同幾個同事（之前公司個幾個，而家做左ｆｄ囉）今日去左積金局同勞工處∼為乜？為啖氣囉∼哈哈

我地首先搭船船去左中環既積金局先，去到個度，我地就問左我地要問既野，之後個職員就叫我地問下銀行係咪真係有開強積金戶口，我地開頭個陣打左成１０幾分鐘都仲未通，好彩最後都通左，咁我地幾個咪輪流問囉∼點知得我一個有開∼最好笑既係，明明我係０５年３月２１日入職既，個賤人就報我６月先入職，最最最離譜既係離職日囉∼明明係今個月既１２號架嘛，點知佢離譜到報我０５年８月離職添播∼真係當我死架？定當我透明先？
聽到之後真係想打爆佢個頭呀∼ >.<"
真係激死人啦∼正一死人頭∼

攪完一輪之後，我地連晏都未食就趕去沙田勞工處∼今次我地要追返我地ｄ大假∼另外有同事就唔止啦∼
哈哈∼如果得既，佢都幾和味囉∼抵佢死，抵佢死∼哈哈

我地始終都係覺得呢ｄ咁衰既人係耍受一ｄ教訓先得既∼唔係點識大呀∼大學生
哈哈∼唔得啦∼諗起都想笑呀

我地係勞工處度已經排左期同佢同埋勞工處既人一齊面談∼日子係下個月既５號∼

爸爸俾架單車撞親∼攪到成隻手同膀頭都瘀晒∼
我真係好嬲囉∼點解ｄ人可以咁踩單車架∼咁唔小心都得既∼
整親人連對唔住都唔講∼真係不知所謂∼俾我見到佢我實打巴佢，呢ｄ啊爸啊媽唔教就我幫你教∼頂呀∼你自己都有老豆架∼
鬼唔望佢下次炒到飛起添呀∼

除左呢樣之外，屋企仲有一個傷兵，佢就係我細佬∼佢上星期日夜晚去波，仲俾人夾三文治，撞左落地，整斷韌帶，傷左膝頭哥，裂左∼
唉！話極都唔聽∼叫左夜晚唔好去踢波架啦∼已經唔係第一次架啦∼係咪真係要嚇死媽咪先得安樂∼正死仔包∼上次行得都執到啦∼叫你休息一年唔好踢∼又踢，咪攪成咁囉∼唉！
最擔心既都係媽咪同我姐∼又要睇住佢地∼

總之呢∼小心就最緊要啦！