今朝好唔願意起身呀∼因為尋晚太夜訓啦∼成３、４點先訓，掛住整部ipod ｄ野∼鬼咩，之前又摌左機∼！
今日雖然係返半晝，但係好忙囉∼做唔停手∼！ｄ野一樣一樣咁跟住來∼有時仲幾樣一齊來∼而且個個都話急，攪到好似唔整唔得咁∼！所以我今日都遲左成半個鳻先走呀∼
攪到我約左爸爸都遲到添∼！
好彩爸爸都知道姐∼爸爸仲特登係等我個陣去左買我既至愛─＞蟹，諗住整俾我食∼真係聽到都流口水呀∼！

因為今晚有人生日，會上來我度慶祝，所以我就要負責整左ｄ野食∼就係鮮茄腸仔火腿肉醬意粉同埋香煎雞翼，最緊要就緊係唔少得我整既蛋糕啦∼！

好，講返爸爸先∼！
咁我一放左工呢，我就即刻快快步咁去搵爸爸，我知道佢早到左，所以我叫佢去超市買住野先∼！
跟住我就去超市搵佢，當我地買整晒ｄ野之後，我地就返左屋企整理下ｄ材料，跟住就緊係煮蟹啦∼爸爸話今次清蒸喎，咁會鮮味ｄ∼好呀∼！
不過，今日聽講原來爸爸早幾日上左醫師，因為佢磨刀個陣唔小心界親隻手呀，仲流左好多血∼！
我聽到都好唔開心架∼我唔開心，係因為爸爸無講俾我知佢個日入左醫師∼另外，我又好擔心佢∼！
不過，算啦都過左啦，唯有叫佢下次小心ｄ啦∼點知佢仲話∼好小事之嘛∼唉，俾佢激死∼！
當爸爸整完ｄ蟹之後，我地就好快手同快口咁食呀食∼真係好味啦∼原汁原味∼！
點知，到我食到咁上下既時候∼＞哎呀∼！我唔小心俾隻箝箝親呀∼成塊皮箝起左，攪到隻手指（今次係中指）即刻流血∼爸爸就話我，「隻蟹生個陣都叫你小心架啦，點知煮熟左你都會俾佢箝∼你都得囉∼！」>.<" 唉∼！我都唔想架∼就係因為咁，打字仲唔方便過上次∼上次食指都話可以就住唔用，但係中指有ｄ難度喎∼淨係打呢篇日記都攪到我不自覺咁用左中指打左好幾次，真係痛到入心呀∼

唔得∼！我要小心ｄ至得∼
係大約４點幾５點個陣，我收到媽咪既一個電話，佢話細佬返工切野個陣因為有人拍佢，所以唔小心切親自己隻手指∼攪到要入院∼唉∼！又會咁啱既，我又整親，啊細又整親，就連爸爸到整就隻手指∼點解呢？又會咁都有既∼！
正正因為咁，爸爸就趕住過去醫院睇細佬∼
我無去到，不過之後都打左電話俾佢，佢講得好得人驚囉∼佢話切左既個塊「皮」足足長1.5cm，厚5mm∼聽到都真係打冷震∼！個塊我諗都唔叫皮啦掛∼係肉之啱呀嘛∼咦∼！好嘔心呀∼！嘔∼

好啦∼唔好再講呢ｄ野啦∼我頂唔順啦
講返個生日party先∼
ｄ意粉同雞翼都清晒∼而個蛋糕呢∼嘻嘻
佢地話好好味呀∼個餅底同coffee慕士好match喎∼好好食
聽完真係好開心囉∼！
仲有個楊枝甘露佢地都話幾好，只係個底厚左ｄ，呢個我都覺∼我下次要輕手ｄ先得∼
而送俾爸爸既個個ｃａｋｅ呢，爸爸話好鍾意，好好味喎∼不過佢都覺得個底厚左ｄ囉都係∼哈哈∼
下次要努力∼細佬下個月生日，要再整俾佢先∼加油∼