今日成日都好free,無咩野要做,只係要整個board咁大把啫！
不過,居然做咁少少野都會整親囉,真係有d黑仔。
我點整親?我咪自己界親自己隻手指囉~ >.<" ~
哈哈！我都覺得自己好傻呀~
係播∼今日起Room度突然傳出一陣怪味，聞下聞下，真係有ｄ wing wing地，過左成個鐘，我先知道原來係隔離裝修，傳左ｄ天拿水味過來∼
聞左咁耐，個頭都暈暈地∼開行冷氣都唔掂∼真淒涼

尋晚拎左自己煲既湯俾爸爸、媽媽飲,今日媽咪竟然同我講話d湯好好飲呀~真係開心死我啦~ ^-^ ~

今日已經係我今個月第三次唔小心界親自己架啦~
我都唔知做咩會咁蠢,成日都咁唔小心！
唉！幾時先可以唔好咁蒙呢? @.@"

∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．

突然間，我有一種慾哭的衝動，我唔知點解，亦唔想知點解，我只係知道我好想好想痛痛快快咁喊一場。
我覺得自己一個好悶、好慘，就好似一個被遺棄既孤兒一樣，一樣咁可憐！
每當唔開心既時候想搵一個可以依靠既肩膀都無，總覺得好似被孤立、被遺棄左咁，點解會咁？可唔可以唔好咁對我呀∼？
咁樣我真係挨唔到落去∼
我唔想是是但但咁搵一個人去愛，我想搵既唔係呢ｄ，但偏偏我想既，係我永遠都未必會得到既，咁我應該點做？

繼續等落去？定還是求其搵個就算數了事？

我總覺得等待既時間係最辛苦既，我根本都唔知我可以做ｄ咩，又或者應該話，我根本唔知我仲可以做得ｄ咩∼

我唔想麻木咁等落去，倒不如乾乾脆脆仲來得痛快∼

好憎等待既感覺∼唔想再係咁∼

等，我係做得到，但係，有無結果係一個無人知既問題，就好似無答案既問題一樣

如果係．．的話，或許我會繼續等下去，一值傻下去，不願醒覺！
如果你問我點解，或者，我會答你：因為．我鍾意！