今日返工返到我好無癮∼好唔想返工∼！
佢地個個都將ｄ難頂又惡做既野俾晒我做∼
就好似今日晏晝咁，之前我一路負責開普通話面見既野架嘛，到左今日面見，安排工作個陣，佢地又叫我帶隊，話點名我熟佢地ｄ名ｗｏ∼
係鬼∼！佢地緊係唔想啦，想係ｈａｌｌ度嘆冷氣之嘛，鬼唔知咩∼！
咁都唔駛駛到盡呀嘛∼個ｈａｌｌ係４樓，我要由地下帶ｄ小朋友上去，仲唔止行一次咁大把，因為實有ｄ家長遲架嘛∼
開頭個主任講得好好聽架，佢話：「咁佢兩個呢，就會係個ｈａｌｌ度，咁我同你呢，就會落去下面帶ｄ小朋友上來既∼！」
呵∼！我聽到都知咩事囉，即係又食豬頭骨囉∼
咁，個主任係有落去呀，第一次個次囉∼！
帶完第一次自己都留左係ｈａｌｌ度啦，我諗住停一停先再落返去啦，點知佢就吹我快ｄ落去∼
唉∼我足足行左成６、７次，唔計來回架∼
後來行左幾次，我已經好掹，都無話換下人既，天氣又熱ｗｏ∼又要行樓梯∼！
就連３樓個ＩＴ見到佢都話辛苦∼
行左咁多轉，我見好似無人要再上４樓，我就留左係地下，咁啱個ＩＴ又去買野飲，佢仲買埋我份，，佢呀，我話俾返錢佢，佢都話唔駛∼真係多謝晒，如果唔係，真係渴死，又或者熱死呀∼！

係ＷＯ∼我今日仲整左Ｄ意粉，拎左返去請佢地一齊食，佢地個個都話好食∼真係好開心∼！
佢地仲攪笑到話叫我去參加《美女廚房》ＷＯ∼最多特登去尖東試食俾分咁話ＷＯ∼！
哈哈∼咪玩啦∼！識煮野唔駛一定要上電視既∼好食先至最重要，另一樣最重要既就係要令食既人開心∼！
佢地仲叫我包佢地伙食ＷＯ∼唔好啦掛，玩咩∼！？！
佢地仲攪笑到「點菜」，點下次煮咩食一齊食ＷＯ∼
仲想話個個ＷＥＥＫ整一次野食添∼
哈哈∼真係呀∼！