今天又開始發冷，著咗件羽絨都唔覺暖。我唔可以病阿。

改完中三的考卷，如我所料，考得唔好。下學期要努力讀書，唔好再玩。

好攰，唔開心，唔寫了。

今天監考5d班英文作文，監足兩小時。超攰呢，學生辛苦捱唔准訓時，我又捱唔准他們訓，彼此也在捱。

食過午飯，終於改超中二c班以前的全等和相似工作紙。太好了。工作紙由聖誔假改到而家，原因希望改得好仔細，每兩三張就要休息一大會呢:(

回到家，七時。原想休息，不過今天到太太叫我煮飯，怪我只幫囡囡煮。我唯有再次一顯神勁，煮了半小時，ok，抄大白菜、蒸排骨，煎三文魚頭。明天我唔想再煮了，再想，我工人真係好，幾天都是由先生煮，唔駛佢:)

學生們努力温書，囡囡們都要努力。

放完假返學第一天，好攰。雖然監考一節，但補課補到一點，希望同學們努力啦。

食完午飯，成zone數學人一齊小睡至三時半開會。好勁。

回到家，囡囡又要我出手煮飯，廿四孝老豆，唯有再次出山。煎金菇，蒸水蛋，生菜水烏冬。好味，容易又一餐。

學生這兩週辛苦了，我就舒服一些。不需受學生激，壓力小一點。

各位同學，努力吧。

囡囡們，你們要更加努力。

整個聖誕假的最後一天，明天要回校了。

今天起床己經十時，和囡囡玩認中文字，英文字，計數和用普通話交談。很好，希望每天都能和她有這樣的活動，又可親子，又可學字。

以後，囡囡要寫生日邀請信，事實，她寫少少，我寫多多。她攰之餘，我好似被罰呢。

下午，探望爸媽，和他們食下午茶。

六時半回家，願想簡單晚餐。但最後囡囡話要我煮飯，唯有苦碌地煮了一小時，七時半開飯。味道如何?一一家三口都話好味呢。

明天開工，學生就開始考試。希望他們盡力温習呢。各位，考完試就很快過農歷年，到時可以無顧忌來玩呢。

努力吧。

突然我都好想再讀書呢。讀什麼好呢?

新的一年，祝各位新年快槳，身體健康，生活和諧，事事順景。

新的一年的願望。(想了很久，衡量過後)我最想每個人都身體健康，世界和平。

關於自己的願望，身體健康，生活無憂，繼續有工開。

身體健康，我唔可以再肥下去，希望能抽空做運動，例如:跑步，游水。

要注意飲食，以前瘦時，話自己仲可以狂食;而家，唉，唔得一定要節食。

生活和諧。希望一家人齊齊整整，開開心心。囡囡就健康成長，努力讀書。太太就工作愉快，少些壓力。希望能抽多點時間陪他們，去多幾次旅行。

繼續有工開。前景未明朗，憂心。工作盡力，我要對得住神、自己、學生和家長。無悔無憾，做一個好老師。將知識教導學生，更重要的是將生命，信仰也帶給他們。學生努力讀書，思想行事成熟一點，為自己前路作好準備。遇到問題，能有理性地去解決。

願新一年每一天都值得記念，數算。凡事謝恩。