朝早起身係廁所個陣發生左D事.睇黎我仲係咁無用...無計...童年陰影=.=

跟住早餐都無食就走左.返到學校又要係操場排隊.熱死....最後.....(笑)

第一二堂對中史.岩岩好合格....饒啟同嘉旋佢地好努力咁讀都好低分...我努唔努力?...唉...唔好提...

跟住小息完就對選修科既卷.又係岩岩好合格=.=

對完MC就打鐘.跟住數學...2份加埋又係岩岩好合格?想點呀大佬...選修同數學我都付出左努力嫁.....

跟住午膳出去食野.我碟飯1點先黎.不過1點3就要返到學校...我1個字食完...

返到學校要對英文...我作文同聆聽都好低分.....唉.....跟住就落堂個陣...MISS LAM佢話要去第二間教書..

我衷心祝佢可以有一堆好好既學生...最後佢送左支原子筆比我地.....

跟住對中文...正係派口試卷..全組我最高..59/80 第二鴻裕...57/80...算係咁啦....

睇完英文卷睇返D咁高分既卷都無咩感覺...正係得唔開心...

放學.陳Sir佢黎追收cit 份野...我個份留左係屋企..我答應左佢6點前要交返比佢....

返到屋企搵個份野...搵左勁耐....做埋改正都成6點幾..無理由咁夜仲比返佢..都唔知學校開唔開=.=

..跟住就搵d剪報做人文...跟住7點幾.陳sir打黎罵我.話佢正係想知我交唔交到份野.話我連個電話都唔打去..

無d責任感...我都唔知講咩好....睇黎我都要記缺點....缺點換取一個教訓....

一陣之後.狗狗打黎話佢唔見左一百蚊...唉....我地班成日聽到有人唔見錢...佢偷黎做乜呀???...佢用偷返黎d錢買野都唔安樂啦...

我同狗狗傾左陣因為我要食飯所以無傾lo...跟住同肥陞傾左陣做埋人文就訓.人文要交十份剪報.不過我搵哂成個屋企得2份...明日都

唔知點算=.=