http://wylai.mine.nu/star/birthdate-fruit.html#TOP

士多啤梨....咁岩係我既至愛....

閉上眼就看見你的側臉 這感覺像你還靠在我肩
沿著你眉間 輕撫憂鬱的眼 讓失眠的我守在你的夢裡面
想聽見你的呼吸在耳邊 這音樂能平靜我的一切
明天再遙遠 不過是訓練 訓練多疼你一點

一秒的安慰 是我想你的滋味
微甜的滋味 讓我能去面對
欠你的安慰 儘管你從不曾說累
你寂寞的眼 我發現 對你總不夠體貼
一秒的安慰 是那思念的滋味
微甜的滋味 給你力氣面對
溫柔的安慰 讓它流入你的心扉
給我機會 去體會 生命裡有你多美

想聽見 你說的任何字眼 會溫暖 這顆心忘了疲倦
再多的考驗 不過是訓練 訓練更多的瞭解

哈...今日返夜晚11點....我訓到6點就起身...沖涼整野...因為同公司d同事去龍古灘燒野食呀...呵呵...勁開心...好耐冇去啦....

世邦車我同萍萍去....跟住一去就燒左少少野食...就影相啦...哈...我影左好多....好搞笑呀...跟住又燒左陣...又走左去玩...哈哈....我又撩小得子影埋d好曖昧既相...又同小雄影扮錫既相....哈...笑死我....但係我地係一d野都冇...我係唔會對佢地有興趣既...哈哈....跟住我地成班去晒海邊....得返瑜姐同萍姐係個度....哈....行行下...死人小得子係度嚇我...搞到我係度嗌...佢地就成班係度笑...之後高妹又係咁嚇我wo...好衰呀....哈...

行到海邊...有條木橋....係海上面架....好恐怖....我又唔識游水wo..又驚...但係我又唔想得返一個人wo...咪又出去囉...哈...跟住小雄一路扶住我...唔知幾時...大麻成係後面偷影囉...哈....跟住係橋既盡頭...玩左陣...又行返去lu....行返去個陣...小得子又想嚇我wo...仲要扮狗叫....哈...但係我認得把聲...唔驚...呵...

行到返去..又影下相...又燒下野食....跟住就走lu...小雄車我,小得子,高妹,大麻成返豪景....我地10點就返到去...仲未夠鐘開工....所以就篤波...篤左一板ja....痴線...打得幾慢....打左成個鐘先一板...哈....

今日玩得好開心呀....好鍾意燒野食...同埋都係第一次同佢地燒野食ja...哈....

今日返11點....某人叫醒我...但係我好唔想起身呀...好累....最衰小得子放假啦...如果唔係...我就可以請假唔返....唉...最尾都係10點半先起身...哈...所以就遲到啦...呵

跟住又冇乜人啦...條新女返左2個鐘左右...食埋lunch先走囉....勁9呀...哈...之後悶左好耐...小得子返左黎....買左開心果比我地食...之後佢打機...打左陣就走lu.......終於都捱到7點幾啦....我就出左去...搵某人...陪佢開工...哈....雖然係有d悶...但係睇住佢同亞業,小妖個d係度玩...好搞笑...跟住差唔多9點先走...行去kfc買野比大麻成食....跟住又等收工啦...哈...

今日唔知做乜...好多識既..好耐冇見既人上黎...有d打波...又d打機...哈..有撚爺啦...我仲睇佢打機同篤波...係度玩...仲有椰林閣果個亞成啦...我都有睇佢篤波..同傾計....哈...仲有中學同學...唔開名啦...不過我冇過去睇佢篤波...廢事啦...佢條女係度...哈...

跟住放工...又同老細傾左幾句...佢真係好搞笑...哈哈...我放左工...就係度等某人放工...等到差唔多12點呀...想死...好眼訓...跟住去搵佢啦...陪佢返屋企放低d野...本身佢話想出mk既...但係咁夜先出..都冇野做啦....

之後咪又去置樂...搵埋亞業同奶奶食"好美味"...食完...本身話唱k....4條友...3男1女都去...哈...但係奶奶好慘呀...周圍d機都拎唔到錢....仲要行到新虛都冇...跟住就返屋企啦....我諗佢可能真係好累掛....

然後我地係新虛搭的士返友愛啦又....亞業係市心落車...我地就係奶奶屋企樓下落....跟住佢送埋我返屋企...

p.s.哈....奶奶佢地爆左好多某人既野比我知囉...但係我冇野wo...可能我真係未話好鍾意佢啦...都ok鍾意既...哈...二黎可能我知佢係咩人....所以我都唔會放太多落去...所以覺得冇乜野...因為好多野都預左既...希望咁樣...自己會開心d啦...哈...唔理佢真定假啦...有人錫我咪得囉...我又可以繼續出去玩...佢有佢玩...我有我玩之ma...哈...我諗咁樣對我黎講...暫時係最好既....不過我會唔會越黎越鍾意佢...就唔知啦...好難講...