今日6 點半起身，之後就返學，(好多都唔記得囉)，之後最後果兩堂就覺得病病地咁~
今日，朝早六點先起身，之後就返學啦，今日係day6呀，係所有day既最後一個day，第一堂係班主任課(只係F.1至F.3咋)之係就係中文連堂呀，跟住就係maths堂，老師又冇返，連續3日啦，之後就係P.E連堂，好累呀，因為一開始就要我地跑7個圈，跑到我的腳好痛，我都未試過好似今次咁痛，之後就玩體操，玩到好累呀，放左P.E堂，就去左換番套校服，換完衫就放lunch，我返左屋企食，一返到去就去左沖涼洗頭囉，沖完我就食lunch，食完就返學，之後都係閱讀堂，再之後就I.S連堂，今日真係好多連堂呀，之後就返屋企，全個人都好累呀~
今日5點半起左身，之後7點半就返學囉，返到去就上左圖書館(講真雖然我地間中學話自己果個圖書館幾好幾靚，但係我......一d都唔覺e個圖書館有幾好有幾靚囉，我覺得最好既圖書館都係我既小學蒙記果個圖書館！)之後8點的預備鐘響左囉，就落左去操場上早會啦，之後8點15分度就F.1至F.3就去左禮堂上週會，今次週會好悶，因為今次係睇中三既聯科專題研習，開頭真係唔知聯科專題研習，但係佢地講講下我就知啦，原來係history+geog+經公三科一齊做既專題研習，之後上完週會後就上返課室上堂，之後都係咁，放lunch既前一堂就係maths堂，老師又冇返呀，連續兩日啦，我地d進度已經好慢啦，咁就冇左兩堂maths堂啦，之後放lunch又返左屋企食，今日食壽司呀，之後又返學，閱讀堂，之後就係連堂(生命教育科)好悶呀，個個一度聽一度訓覺，我都差小小就訓左，好彩到最後都係冇訓過，但係佢講ｄ野又真係好無聊，之後就放學，放左學又留響學校(學兄學姊)，留度5點我就走左囉，返到屋企都好似係5點10分咋，之後都係咁上下~
今朝，5點半就起左身，之後又係好似平時咁囉，7點半度就返學囉，今日係day4，都ok多堂要上嫁，之後lunch就返左屋企食，我呀媽煮左意大利粉比我食（好好味呀！唔該曬）之後就返去啦，返到去既第一堂就係閱讀課（唔知點解，我最近好鍾意e個閱讀課呀，可能係因為比起上堂冇咁悶掛，我都唔知呀，) 之後就係普通話堂，我就黎悶死啦，之後就係中史堂，今堂係對作業，一如以往都會搞到自己隻手好痛，放左學就係中樂訓練班，我練到隻手好痛呀，之後就會過去530度一齊練畢業典禮果幾首歌，6點先放我地走，返到屋企我見到欣hi我喎，咁我就hi番佢啦，之後都冇咩特別囉~
今日7 點度起一起左身，又訓左，之後9點先起身，開電腦,msn,去欣既日記板板，之後10點就off左，沖涼燙u，之後11點半去左欣屋企，用左佢部電腦，做下果個名x，之後12點25分度落左去欣屋企樓下等澍同豪，點知佢地兩個遲到，之後就行啦，澍同豪就行盈x果邊過去，我同欣就行我學校果邊過，去到都係撞到，之後就去到大興體育館做服務啦，之後我同我呀哥早走左，4點度就走囉 ，返到屋企就沖涼，之後就坐我呀爸的車去接我呀嫲去食飯飯，我地去左觀塘打邊爐，果度d野真係唔錯嫁，果度會開好大的泠氣，令到我地覺得好似冬天一樣，之後食完就坐車走囉，返到屋企睇15/16,(同埋明珠台果個唔知咩鬼)，之後就訓左囉~
