今日10點先起身，因為琴晚好晚先訓呀!之後我就食早餐，之後我地4個又傾電話啦，去到10點45分度我呀哥就返左學補課，我就用電腦啦,開msn......之後欣話上黎我屋企食lunch喎，佢上到黎佢就燙u，佢燙小小我又幫佢燙小小，幾開心呀，我地之後食杯面，佢唔小心倒瀉左果個呀，之後我就偷偷地拿左我呀哥果個比佢，跟住我又沖寶礦力比佢同我自己啦，我地一邊食一邊同澍傾計啦，食完我地就去左換u，咁就落左去旅部啦，之後我地就幫手搬竹去商會紮啦，(我地唔洗值日，所以只要紮一個囉~yeah ^o^)我紮到隻手好痛呀，之後就升旗啦，再升小隊旗，今次係欣升呀 ! 加油呀，之後就係體x能，到我地跑完之後，欣話暈暈地喎，佢仲要d水冇曬添，咁我就幫佢去買水啦，好彩冇咩事，之後就係步操訓練，冇啦啦ma Lee叫我地試下操一次比幼童軍睇喎，好無奈呀，之後就放左我地啦，我地就拿番d野去旅部啦，之後我就同欣,韻仲有鐿去左7仔買思樂冰飲，我同鐿就飲細既，欣就同韻一齊飲一杯中既，佢地兩個飲完之後話嬲得勁過頭，所以買多杯細既，之後我就返屋企，今晚食pizza呀，剛剛食完，今日就到而家~
今日好累呀，10點幾度我就同欣,豪傾電話，傾左一陣就打埋比澍，咁就4個人一齊傾啦，佢地話想去唱k，但係我呀媽話唔比喎，最後佢地去到諗左好耐先至決定去睇戲(冰河世紀2)，佢地話套戲好悶喎，之後佢地就搭巴士返黎囉，佢地叫我落去大快活同佢地一齊傾計喎，咁就落左去啦，之後佢地冇啦啦話想上去天台喎，我當然......唔上啦，之後我就返左屋企，佢地又冇啦啦話去打球喎，冇啦啦有人按鐘，咁我去開門啦，原來係佢地上左黎，好無奈呀!咁我咪落左去同佢地一齊去打球囉，去到欣屋企樓下打，點知去到已經冇位比我地打囉，咁我就同欣去左兆強閣樓下打啦，而澍,豪就返左佢地自己既屋企，我同欣打到6點半度就走囉，之後我就出左屯市食啦，我全家一齊搭的士去啦，我地去左元綠壽司度食，食完我呀爸就返屋企先，得番我,我呀媽同呀哥行街，之後我地就返左屋企囉，我,豪,澍同欣再傾電話，之後1點幾我就去左訓囉~
今日8點幾先起身，唔洗返學喎，當然訓久d啦，之後1點就行過去建生某間中學接欣放學，接左佢之後就上左佢屋企啦，2點半就同欣,澍一齊去屯市，去影貼紙相，仲見到而家讀緊6年級既幾個好朋友(唔係太記得佢地d名囉)，之後行左陣，就返左去良景m記囉，我地食左雪糕呀，之後澍見到佢ｄ同學，佢就立即走左囉，之後佢冇啦啦打黎話落雨喎，仲以為佢講大話添，原來係真嫁，之後我地兩個咪立即走囉，我地之後去左街市將d貼紙相過膠，之後就返屋企囉，欣送左我到我屋企樓下之後，佢就返屋企囉，佢返到屋企就打左比我同我傾計，原來佢又嬲澍喎，就係咁就完囉~
今日落雨呀，我6點半起左身，之後7點半就出左門，果個都會bring把傘，七彩繽紛都幾靚嫁，之後返到去就去左圖書館，跟住因為天雨關係，所以我地上左去課室上早會，之後都係咁上下啦，lunch我又返左屋企食，其實都幾辛苦下嫁，放左學之後其實欣約左我一齊去m記傾下計食下野咁，但係因為佢媽媽叫佢去唱k，所以冇黎同我一齊囉，咁我就留在屋企悶下啦，之後食晚飯啦，食完之後，8點45分欣就同澍打黎同我一齊傾下計，咁就到而家囉 ，之後佢地話打埋比豪喎，咁就4個人傾啦，之後好似10點幾，澍就話唔傾啦咁樣，之後連欣都話唔傾囉，咁就得番我同埋豪咋，我地兩個最後就傾到11點正(因為e個時候收音機話"而家既時間係11點正"所以我咪知囉)之後就睇左一陣書，之後就訓囉~
今朝5點半，之後就返學啦，返到去個個都好似未訓醒咁，仲有幾個在學校既飯堂訓添，第一堂係中文堂，好悶呀，有好多都唔明佢講咩，之後，英文堂果陣時，原來老師冇返，所以自己做自己野ok開心啦 ! lunch之後都係英文堂(仲要係孖堂添)，我當然係嗱嗱聲做曬要做既功課先啦，之後就放學啦，放左學都未走得住，因為我地班d女仔全部都未考排球，所以放學要留低考(好慘呀)，我因為果次考體能去到醫療室，所以要補考，但係......我跑左8個圈老師先叫我唔好跑囉，佢話d雨好似愈落愈大喎，之後過左10分鍾度又出去再跑過，真係開心，終於跑完啦，之後我連PE衫都唔換，咁就返左屋企，返到屋企好似5點半囉，之後就沖涼，跟住就打電話比欣，同佢傾計，仲傾到而家添~
