今日個鐘傻左咁響，我打左它一下..佢就..冇再響，好彩自己慣左起身先冇遲d起咋，今日有P.E堂，所以要帶P.E3返去，今日都幾好彩我全部今日要用既書都放左係locker^o^，咁7點幾，我同我呀哥一齊拾運動鞋，我先發覺原來佢今日都有P.E堂，都唔知點解會一樣既?!之後返去啦，上班主任堂，我地有一個班主任就生左個bb(其實生左好耐嫁啦)，而令一個班主任就係學校負責曬我地班所有野啦(辛苦曬)，之後我地班話想送張心意卡比果個老師同佢果個bb(終於有件事你地係做得對啦!)咁老師話不如找人負責買啦，但係唔知點解到落左堂佢都未開始找=.=，之後到左P.E堂好開心牙(因為係最後一次啦，唔洗再上e一堂，因為上e科真係好累)放lunch我就返左屋企食，但係我呀媽同我呀嫲都唔係屋企喎，咁我一返到去，就沖涼洗頭，又返去啦，返到課室，原來派緊暑期作業，好開心，一黎可以快d做曬，唔洗暑期果時做，二黎可以溫書ma，之後上I.S連堂，做實驗，之後放學，老師話我冇做一頁，就要我留係學校做埋，做左5分鐘都唔知有冇就走得囉，完~
今日.....好平靜好似，只係係夜晚的時候，崔藝同我傾左陣電話就冇啦~
今日雖然係結業禮後假期所以唔洗返學，但係今日所發生既事就唔知開心好定唔開心啦，今日朝早起身就見到呀哥傻下傻下(都唔知佢搞緊咩><)我諗應該係大約7點25分度，之後唔理佢啦，再訓，因為真係好累，再起身既時候都係就黎8點咋，起身啦^o^，==全屋冇曬人，咁開電腦，on msn，都冇人既><，咁溫下書又玩下咁，之後見到蕭立同學on左，同佢傾左陣(佢原來係學校玩msn><)之後又見到韻同學on，但係佢又唔應我><，就係咁就過左一個朝早，係12點15分我就落左街啦，因為去同欣,澍同豪一齊食lunch，去左接欣,澍，仲有楊x輝添，本身約好左瓤叫佢係桃園島度等既，但係因為發生左小許問題，到最後都冇一齊食，澍就係盈豐上面食，楊x輝我就唔知啦，我就同欣去左阿菠蘿，不過我都冇食到，得佢食魚egg，佢仲買左杯飲品，咁我就送左佢返學校，我就返左屋企啦，之後呢......(因為我而家好累唔想再打住><)
今日係星期日，對我黎講星期日係有開心有唔開心既，點解?!因為星期日既聽日就係星期一啦，即係話要返學><，而開心就係唔洗返學囉，不過今次就唔同啦，今次因為聽日係結業禮後假期，所以唔洗返，個個都話(邊有e個假放嫁?就係有牙)，最近因為病左所以冇溫到書>.< ，咁朝早就開電腦on msn，玩左一陣，之後到我呀哥用電腦，我就去左訓覺，醒番果時，我呀媽就同我呀哥去左旺角行街，咁我當然唔去啦，行街好累ma，之後就食lunch啦，今日我就食左粽，飲埋柑桔檸檬添，之後又on msn啦，同澍,ben,朱謙係msn一齊傾計，傾左一陣我走左囉，因為你地講d野我都唔明><，之後我呀爸就返左黎啦，佢係度跑馬=o=都唔明跑馬有咩好睇?!，之後佢睇左陣，就入左去訓覺覺，之後係4點55分的時候，我呀媽打電話番黎，話佢而家係又一城喎><，點會行行下旺角又去左又一城嫁?，之後5點正我呀爸就醒左囉(當然係有鬧鐘啦)，咁我地兩個就首先去左黃大仙果邊接左我呀嫲先，然後就去左又一城度食野，係未去到又一城之前我呀爸行錯左路，就去左好似係長沙灣既上面，(表哥:我見到你之前住果度啦!哈)算囉，都唔識講去左邊，之後又去番又一城啦，我地食意粉屋，講真都唔好食既><，之後陪呀哥拿埋對鞋就走人囉，之後就返家啦，在出停車場拿收據時，收據印左我地入黎既時間係(18:18:18)哈，又會咁既^o^，真係值得保存啦，點知又行錯左路，去左沙田果條路，之後u番就走啦，好啦，返到屋企啦，之後拿張from比madam Lee ，比左佢屋企樓下果個看更之後就走囉，返左屋企~
(更新板係e隻色果d就係更新左既)今日係我校第39屆畢業典禮牙，本身就唔洗返學既，但係我因為中樂團就要返去啦，12點45分就要返去啦，係未返去之前，探左熱牙，99度，不過應成左老師返去，就冇理由唔返，返到去幫手開d譜架之類，到表演果時錯左好多唷，之後劉sir話7月11日同埋7月17日至7月22日其間要返黎表演喎><，今日病得仲勁唷!，之後返到屋企就訓陣，起身就開msn啦，之後晚上，崔藝妹妹打左比我，同我傾左陣， 佢話佢係唔知邊個親戚度睇緊大長今喎，太悶啦所以打左電話比我，就係咁我睇完好悶既戲就訓左啦，最近真係好累牙，好希望冇病牙，......
