今朝同樣地係水邊圍站等埋Jose返學,,今日d感覺好似好耐冇返過學,,
返到去,,俾Yoyo見到我尋晚寫俾Jose個張S.B.A貓紙,,就俾佢逼我幫佢寫多張 ,,
早會今日頒獎,,頒番Sport day個100m,,唔好再遲d先頒,,
頭兩堂Bio堂,,對番d工作紙,,同做d問題,,過得都幾快ar,,
Rest之後就上兩堂Chem呀,,宜家教d野好采唔係難,,大多數都明白,,
lunch同肥仔,,Thomas,,菜心,,區江,,李sir,,Eddy,,April去左食燒味ar ,,
之後就同佢地去玩飲廿四味la,,我地又鬥快飲,,今次用飲管飲,,
個個都飲得勁快,,好采我都係第2個完成姐,,不過肥仔就輸我地成個馬位,,
我地飲哂佢仲差半杯未飲完,,呵呵要罰飲多一杯la ,,飲到佢想嘔,,第二杯飲左佢成10分鐘都有 ,,
返到學校,,同Jose講左一陣野,,我諗3mins都冇,,就打鐘返課室la,,
跟住上倫理堂,,都唔覺得眼訓,,完全冇飯氣攻心既感覺,,成堂都幾精神既,,
放學本來要去課外活動,,但因為仲有一個半星期就考試,,真係話都冇咁快,,
咁課外活動就取消左,,上物理補課la,,本來諗住淨係聽個幾條唔識既功課,,
不過d人就題題都問,,搞到我愈來愈痛心機聽落去,,之後簽字早走la ,,
落到樓下點知唔見Jose,,就問Kyo啦,,佢話佢同Yoyo出左去買野,,一陣返喎,,
咁就等左2,3個字左右啦,,跟住開電話就收到sms,,原來老婆叫我放左打俾佢,,
原來佢唔返黎嫁la,,白等左添,,之後打俾佢,,行去大橋個邊搵佢la,,

去到個間書局join左番老婆同Yoyo,,就陪佢地上圖書館,,第一次上呢間公共圖書館,,
佢地要搵d V.A既會考題目做,,駛唔駛咁快ar ,,咁等佢地借左考試題目,,
就陪埋Yoyo搭車先,,之後就陪老婆行番屋企la,,
拖住手行左好似好耐咁,,條路好長好長,,幾好feel,,仲感覺到d好特別既野 ,,
咁老婆返左屋企我就去搭輕鐵返屋企,,突然之間極度眼訓,,係車到訓著左lu,,好采都識得醒,,

返到屋企,,即刻同Jose玩msn先,,一路玩到食飯,,跟住就沖涼la,,
沖完涼就開始寫張explain letter,,希望間公司接受啦,,
咁之後老婆話11點半打俾佢,,估到你要訓陣覺先啦 ,,
個粒鐘等到我死咁滯,,周圍搵野做,,睇左前日個套神山,,
咁11點半就打俾老婆啦 ,,其實都有諗過打唔打好,,因為老婆一定好眼訓 ,,
但係最後太想同老婆傾電話,,就決定打左啦,,
老婆訓到唔想起身咁,,但係又唔俾我收線,,早知唔打俾你啦,,等你繼續訓啦,,
咁傾下傾下,,12點半就收線我都死去訓覺啦,,其實自己都幾眼訓

[[[[[*願你放心交給我   都清楚身邊所愛的   是你這一個

今朝6點半起身,,今次又係為左Jose先咁早,,上次5點10起,,
咁好快食完早餐,,7點3就上左輕鐵,,期間見到勁多查飛既人lor,,
去到新元朗中心接佢,,就搭番輕鐵返去la,,之後發生左d幾煩憂既事 ,,
不過算啦,,去左運動埸,,專心比埋今日d比賽先,,
咁到左之後竟然未有人黎到,,咁見到單金城,,就一齊jog左兩個圈la,,
跟住峻都黎到la<,就放好哂所有野,,就去熱身啦,,因為就跑200m Heat..
不過可惜跑外線,,最怕就係跑外線,,因為冇得跟人,,d速度谷唔起,,
咁一開跑啦,,頭100m劈彎對我黎講唔係難,,但係之後個100m見唔到後面d人 ,,
就開始冇左d衝勁,,d速度慢慢減落黎,,點知突然間殺出左個第4線既人黎,,俾佢快過我過終點tim,,
唔知點算好,,咁就睇埋峻個200m啦,,全埸既人都為佢歡呼,,咁突然之間收到老婆既sms,,
雖然短短兩個字,,我睇得出你好緊張既,,唔駛擔心啦,,我會處理好既 ,,
咁等佢跑完就出左去食d野,,咁行到半路聽到200m Final名單,,聽到同我同heat個個岩岩入到,,
但係就聽唔到我個名,,勁down囉個人 ,,話哂都主項黎嫁la,,高sir一陣黎到實鬧我lu,
咁打俾高sir同佢講野200m d野,,佢話全力谷100m Final喎,,一定唔會令你失望既,,
之後高sir黎到啦,,咁同佢傾偈la<,雖然俾佢鬧左,,但係傾番個人d心情好番d,,100m一定要有頭三甲,,
咁100m Final檢錄la,,落到同陳仲賢都傾左陣偈,,咁就調整好個心情就預備跑100m la,,
女子跑完先到男子,,點知女子有組個女仔跑到中途訓低左,,又冇反哂應,,
到佢嗌男子乙組100m上線,,個人開始有d緊張,,咁On your mark,,Set,,
有人偷步呀,,原來係翁佑個個陳志恆,,駛唔駛咁呀,,搞到個氣氛仲緊張,,
咁第二次上線,,一去個時,,我個人因為起跑出了問題,,開頭都只可以係第6名既位置,,
不過跑到50m左右,,個人放鬆番,,就即刻加速上去la,,最尾20m都仲係第4名,,咁衝線前岩岩好壓線過左,,
拎左個第3返黎ar,,都算對高sir,,對老婆,,對學校都有交待,,當時即刻鬆一口氣
咁之後就跑埋男子甲組100m la,,個過程冇男乙咁緊湊,,我地男乙好睇好多,,
跟住即刻上去搵高sir先,,高sir俾我睇番段片,,跟住讚我跑得唔錯嫁啦 ,,雖然係起步個度差左少少,,
中段能夠放鬆加速上去,,跑得唔錯嫁la,,時間11'77,,阿sir計既時,,都非常準確嫁la,,同電計都唔係差太多,,
咁就睇埋峻跑4x100m啦,,雖天循正常都贏梗,,但係峻真係劈彎之王,,由幾後既名次,,追番上第2,,
全埸既人又為佢歡呼啦,,天循雖然贏第一,,但係唔夠翁佑追番第2咁堅,,
之後等埋峻就出去食飯la,,去左間唔錯既餐廳食飯,,咁打左俾老婆報導下先 ,,
呢間d野真係幾好味,,特別係杯凍檸茶,,完全唔同d普通茶餐廳 ,,
咁本來諗住返學校上堂嫁la,,不過峻同高sir都叫我睇埋200m先wo,,算啦,,話哂都係峻最後一年,,
峻熱身個時,,話個背脊超痛,,搞左好耐,,決定唔跑la,,有點失望 ,,
咁高sir叫我返學校啦,,返到學校上緊Bio堂,,不過都2點幾,,就落上完,,
之後上Chem,,張sir話今日要留堂呀,,唔係咁玩野ar,,
放學又要即刻預備個S.B.A,,用左10mins左右寫篇野,,3mins背哂d野佢就去左考試la,,
好采臨埸發揮都唔錯姐,,Miss都話Well done ,,
跟住就做左d中文野,,張sir就同我講化學d功課既野,,好采唔駛留姐,,
咁之後成間學校搵勻哂都唔見Jose,,就係課室等左陣,,到4點半就去左個Phonics Course,,
好采Jose係入面姐,,咁就係出面等左半粒鐘la,,之後就送佢去搭輕鐵,,咁我就返屋企啦,,

返到屋企即刻俾媽咪鬧左一大獲,,跟住俾Jose個sms搞到勁唔開心lor ,,
我真係唔明點解你會咁諗我lor,,雖然我冇陪你搭車係我唔岩,,但係都唔駛咁樣話我 ,,我好難受嫁,,
咁我就死左去沖涼,,跟住食左幾啖飯,,就去左做功課,,
做到咁上下,,咁決定都係搵Jose傾msn,,唔想因為咁就傷害我地d感情 ,,
咁傾下傾下,,慢慢就冇番事la,,之後就轉左用sms,,咁我仍然做功課,,
12點幾就訓覺la ,,

今朝係水邊圍等埋Jose就陪佢返學先,,之後就過麥當勞等阿峻,,
點知等呀等,,等呀等,,等左佢成粒鐘先黎到,,靚仔係咪搞事ar
跟住去左茶餐廳食早餐,,俾枝胡椒炒玩死,,個洞開得咁鬼大,,一野等於落左5野 ,,
之後9點幾先去到運動埸,,今日淨係跑Relay呀,,就帶左d人落去練接捧同熱身,,
好唔掂lor,,完全冇心跑既,,得Eddy似番d樣,,我諗一陣都唔方跑得好,,
咁好快就去到檢錄啦,,之後就要跑啦,,一開始個二捧都跑左係尾二位置,,
交到俾我我追番頭3啦,,但係因為太累既關係,,交唔到個靚捧俾Eddy,,最終小組第4,,都入唔到final嫁啦,,
咁就上看台睇阿峻跑la,,翁佑頭二捧都唔快,,都係尾二,,不過阿峻接左捧就以佢劈彎之王追第一,,
之後翁佑就小組第一啦,,大家都係劈彎有咁上下,,我淨係追到第3,,峻就追到第1 ,,
咁執哂野就走啦,,峻因為條腰受傷了,,要去睇大夫,,咁就同埋佢媽咪同家姐,,Eddy一齊去啦,,
玩(but)罐,,好恐怖的,,d瘀血扯到現哂形,,我諗我遲d都會咁,,
咁之後就去搵番老婆食飯la <,Evil做左真係好差,,話明要7個人位,,理得佢死,,淨係要7個咪得lor,,
之後搞左一大輪野先坐得低食飯,,咁係咁同老婆傾偈la,,好似好耐冇見咁 ,,
但係峻同Evil就玩野la,,勁話佢地d功率好勁,,好刺眼,,咪玩啦大佬們,,
呢間新開既餐廳睇個外表好似都唔錯la,,點知嗌黎個d食物就勁難食,,垃圾似的
我地食得好慢ar,,之後一埋完單即刻加快速度返學校,,峻就繼續返運動埸先,,
好采返到去仲差3mins先打鐘,,唔駛遲到,,鬆一口氣,,
跟住上physics x2,,教d野幾易,,無之前d Newton Law咁難,,
咁放學就因為要每日留低做說明文分析,,搞到4點先走,,跟住落去搵Jose啦,,
打緊排球呀,,但係我唔覺個個似排球,,成個橙咁,,打哂d橙汁出黎ar,,
最初諗住唔打嫁la<,不過見Jose想我陪佢打就打啦 ,,
個波唔同星期5個個波,,好軟既,,打落手一d都唔feel到痛,,
咁打到5點左右就走la,,咁就陪Jose搭車la,,開心野
回程個時又訓覺la,,

返到屋企就沖涼先,,之後同老婆玩sms ,,
跟住一邊食飯一邊玩msn,,接著就做功課la,,
做到11點幾就放棄lu,,12點幾就訓著la,,
聽日跑100m Final,,200m,,高sir會黎睇我,,好人野

今日成1點先起身ar,,可能尋日真係太累la ,,
不過如果Jose唔sms我,,可能訓到2點先起身ar,,
起身之後刷完牙就食飯la,,今日電視冇野好睇,,做咩太空人訪港 ,,
咁就玩電腦la,,同埋同老婆玩sms,,玩到約2點半,,我就做功課唔玩lu,,
而Jose都自願話唔玩住,,俾我專心做功課,,真係好啦
咁首先做Maths先啦,,原來17題都唔少野,,多到死咁,,
每1題都分成a b c d,,差唔多成50題,,愈做愈掛住Jose ,,
忍唔住,,就msn左佢啦,,跟住決定一路傾一路做功課,,做埋之前欠個d Chem,,
做到7點幾就食晚飯,,咁就轉左用sms傾啦,,
今天特別早食飯ar,,快過Jose食啦,,平時佢日日都早我成粒鐘既
跟住睇日日有食神,,勁好味lor,,Jose話佢睇到流哂口水喎,,但係仲未食得飯,,原來你係餵食貓黎既
睇完之後又繼續做功課la,,跟住做讀書報告,,今次既讀書報告毫無提及內容,,全部都係讀後感,,
宜家升左級la ,,跟住約左聽日送埋老婆返學先去運動埸,,同埋lunch出黎食飯,,放學返去接佢,,
因為我成day都未必係學校,,唯有咁樣補償la,,
之後又約左峻聽日出去食早餐,,1點幾就上床啦

TO:親愛的StEvEn
流口水都講埋出黎..俾人知道晒喇,
餵食貓唔只我一個既,大家咁話啦!!

To:親愛的Jose
係既係既,,我都係隻餵食既史提豬 ,,haha

今朝8點起身la,,雖然尋日夜訓,,今日都迫住要早起啦,,
執齊哂d野之後,,食完早餐,,慢慢步出元朗,,
入到運動埸岩岩好見到Eddy Ready緊跳遠,,我仲估錯左係星期一先跳Tim,,
上到看台坐啦,,嘩勁曬lor,,超熱的 跟住睇個Schedule啦,,點知100m Heat係11點先跑,,
弱智嫁,,早知唔咁早到啦,,係度發呆啦,,之後單金城黎左搵我,,終於冇咁悶la,,
傾左陣偈,,跟住10點3左右落左去warm up,,之後撞到岑家樂,,佢跑400m,,屈哂機la,,
之後點知400m去到11點3都未跑完,,跟住聽到100m召集,,勁唔慣lor,,
因為出去比賽淨係聽日100m開始檢錄,,宜家聽番咩召集,,好唔知點
比賽延誤既關係,,搞到我d熱身冇哂用,,咁跑100m個時,,
頂個個Miss,,都唔知識唔識,,on your mark ,set就去,,一d都冇時間俾人預備 ,
搞到我之後跑左個12'02出黎,,跑唔到11秒,,咁之後見到Jose打過黎,,
就即刻換衫,,執哂d野就去搵佢la,,去到見到Yoyo,牙欣,KK係度,,但係好似唔見Jose既
原來綠色衫個個係佢黎,,差d衝口而出,,呢個係我女朋友黎嫁咩,,
真係估唔到Jose今日比平時靚左咁多 ,,如果認唔出既話真係判死刑都得啦
跟住陪佢同Yoyo佢地坐左陣,,之後佢話好累想返屋企,,就送佢去搭車la,,但係勁有d野lor,,唔開心
第一次拖老婆隻手ar ,,覺得好滑呢,,差d甩手tim
之後自己就行左陣搵野食,,打俾d fd又冇人聽電話,,自己一個死左去吉野家食飯 ,,
咁跟住就返運動埸la,,Eddy又走左la,,Kaka佢地又走埋,,就訓左係看台到la,,孤單的,,
之後訓訓下,,原來2點幾la,,即刻落左去做熱身先,,跟住就跑100m複賽,,
今次同小組第一個個跑,,有佢帶住跑果然時間都快d,,可惜我拉傷左,,
未發揮到仲快既速度,,得11'74,,而小組第一個個跑10'92,,
竟然破左峻係男乙既紀錄,,我完全覺得係做馬,,冇理由差2個身位少成0.8s,
跟住好采第3名入final,,跑第5線,,岩哂我呀呢條線 ,,一定要衝金成功,,
之後都3點半,,就執哂所有野,,過元朗市鎮公園搵高sir啦,,因為一個人都未到,,
就同高sir傾偈啦,,希望佢星期二黎睇我比賽la,,有佢俾壓力我,,一定跑好d,,
陳心怡佢地陸陸續續黎到la,,之後Jog大圈,,圍住市鎮公園外既馬路跑兩個圈,,
原來著住對racer跑馬路d地係勁舒服嫁,,可以一直以中速跑都唔覺累,,
高sir話今日我郁下得啦喎,,但係我覺得宜家勁fit lor,,跟住跑個上樓梯上到百鳥塔頂,,
之後衝斜路落番黎,,我帶班女仔跑,,十分輕鬆,,淨係一個圈,,正爆 ,,
星佢地就要跑2個圈,,k汶跑到就死就死咁la
跟住我skip左一個,,之後高sir提議玩接力黎跑,,
我第一個圈衝左個1'43,,跑得勁快呀,,甩到後面屯天個個至少成150m都有,,
不過最衰將軍太慢了,,俾人追過左好多,,最尾駿發哂力,,雖然追剩10m,,但係k汶最尾勁爆,,追唔到
之後就行左個圈la,,收工lu今日,,跟住見到關家豪同盧碧君拖住手黎,,駛唔駛ar,,小心俾高sir見到呀,
然後唔知點解,,咳得好緊要,,同k汶一齊咳,,約每2mins咳一次,,5mins一大咳,,
關家豪話去食野wo,,就去la,,咁一直同老婆玩sms ,,爭取每分每秒,,不過就俾君話我好冧wo ,,
咁又係既,,不過我會係你地面前認既,,呵呵
跟住就去搭車啦,,點知撞到駿同將軍wo,,有人陪我搭車,,唔駛悶啦,,
係架車到同k汶,駿係度扮迫,,成塊面貼住個窗,,整到變哂樣,,見到每個站等緊車既乘客,,
都係度嘩....跟住開左車門就.....噓....玩野既,,笑到我死 ,,估唔到演藝咁逼真,,

返到屋企之後就沖涼先,,跟住繼續玩sms,,接著又食飯啦,,
今日無線做spider man,,勁鍾意lor,,咁多個美國漫畫英雄最鍾意佢,,件蜘蛛衫真係勁型仔,,
直至睇埋鋼煉先去玩msn,,期間仍然一直sms緊,,
Jose on左msn就唔駛sms啦,,跟住就傾偈啦,,點知傾到今日lunch個時d野,,出事lu,,
好采之後都冇事姐,,We are still Sweet ,,傾到2點就訓覺la,,今日幾累下,
 

>>誰可比你好 能撥盡迷霧 煩擾於心中的你都知道 我壞或好|||